رئيس مجلس التحرير

خالد فؤاد

رئيس التحرير

عمرو فارس

إشراف عام

أحمد شلبي ونرمين حمزة

أهمية الحديد في تغذية الاطفال


423
الأربعاء 24 يوليو 2019, 7:12 م


كتبت د/رحاب موسى

النهاردة هكلمكم عن الحديد واهميته في تغذية الاطفال
امراض زي سوء التغذية والتقزم وصعوبات التحصيل الدراسي نقص الحديد ممكن يكون سبب من اسبابها.. وهنعرف ازاي ممكن نمنعها

بداية…. نسبة الحديد في لبن الام بتكون قليلة لكن ربنا سبحانه المبدع ??جعل ليه مواصفات تخلي قدرة الجسم علي امتصاصه عالية
وبالتالي حتي لو نسبته قلية لكنها بتكون كافية جدا للطفل حتي عمر 6 شهور رضاعة طبيعية مطلقة..
بعد ال 6 شهور يبتدي مخزون الحديد لدي الطفل يقل ويصبح اعتماده على لبن الام وحده كمصدر للحديد غير كافي ودا بقا بيكون وقت ادخال التغذية التكميلية فلازم نهتم بالاكلات الغنية بالحديد والاكلات الغنية بفيتامين سي لزيادة الامتصاص وكمان ندي الحديد كمكمل غذائي للطفل من الشهر السادس

??نقص الحديد بالجسم بيأثر علي الطفل قبل حتى ما توصل لانيميا نشوفها في تحليل صورة الدم
طيب ايه المشاكل اللي ممكن يسببها نقص نسبة الحديد او انيميا نقص الحديد في الجسم ؟
?التأثير علي النمو فيحصل نقص بنمو الطفل
?قصر القامة
?صعوبات الدراسة نقص التركيز
?ونقص الاداء البدني والذهني
?فقدان الشهية
?التعب والارهاق وزيادة ضربات القلب
?بهتان بالجلد ومشاكل بالشعر والاظافر

طب ايه هي الاكلات الغنية بالحديد؟

الحديد موجود بالاكل في صورتين مصدر حيواني او الل بنسميه heme iron ومصدر غير حيواني نباتي non heme iron
المصادر الحيوانية زى :اللحم الاحمر كبدة الدجاج والبقر
ومعلومة كدا… كبدة الدجاج فيا حديد اعلي من كبدة البقر تقريبا الضعف
المصادر غير الحيوانية زي اللي ف
الحبوب المدعمة بالحديد
العدس فول الصويا السمسم الطحينة بذور القرع المحمصة
الفول الخضروات الورقية الخضراء الداكنة الجرجير البقدونس السبانخ
الفواكة المجففة بردو مصدر غني للحديد

طيب ايه توصيات منظمة الصحة العالمية WHO عشان الوقاية من انيميا نقص الحديد ايه؟
??لابد من اضافة الحديد كمكمل غذائي بجرعة وقائية للاطفال بداية من الشهر السادس يوميا لمدة 3 شهور متتالية بالسنة حتى عمر السنتين و الجرعة بالرجوع للطبيب
توصيات WHO بالنسبة لاعطاء الحديد الوقائي في الاطفال اللي في الدول النامية اللي منتشر فيها انيميا نقص الحديد مكملة لحد سن المدرسة لمدة 3 شهور كل سنة بردو لكن بجرعات مختلفة حسب العمر.

ازاي اتجنب حدوث فقر الدم وانيميا نقص الحديد؟

®اولا ممنوع بتاتا ندي الطفل لبن بقري او جاموسي قبل سن سنة مفيش حاجة اسمها اخفف اللبن البقري واديهوله ولا ربع ولا نص تركيز.. للاسف دا منتشر بين امهات كتير وبيضر الطفل. لانه بيعمل التهاب بالامعاء في الطفل اللي عمره اقل من سنة واللي لسه مش مستعد لاستقبال وهضم بروتين اللبن البقري الغير معدل وممكن يوصل انه يعمل دم مخفي بالبراز.كمان اللبن البقري نسبة الحديد والمعادن فيه مش كافية للطفل في العمر دا.
⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅
®بالرغم من اللبن مصدر مهم جدا للكالسيوم ومهم لبناء العظام للطفل ونموه لكن كل شئ لحدود ولو زاد عن حده بيتقلب ضده
حدود كمية اللبن اللي نقدمه للطفل في اليوم بعد سن السنة ايه؟
*من سنتين ل 8 سنوات⬅⬅⬅ 2 كوب باليوم فقط
*فوق 8 سنوات ⬅⬅⬅ 3 اكواب فقط لاتزيد عن 600
ملل باليوم
⬅⬅⬅⬅⬅⬅⬅⬅⬅⬅⬅⬅⬅⬅⬅⬅⬅

® اقدم للطفل الاكلات الغنية بالحديد اللي قلنا عليها من الشهر السادس

®اضافة الاكلات والفاكهة الغنية بفيتامين سي تساعد على زيادة امتصاص الحديد زي البرتقال اليوسفي الجوافة الفر اولة عصير البرتقال.عصر الليمون علي الاكل

®الحديد من مصادره الحيوانية امتصاصه احسن من مصادره النباتية

®يمكن دمج اكتر من مصدر للحديد النباتي مع بعض عشان نزود الامتصاص مثال علي ده طبق الكشري

®اضافة بروتين حيواني يزود امتصاص الحديد من مصدره النباتي زي قطعة لحم مع السبانخ مثلا

®اخد الحديد مكمل غذائي اثناء الحمل والرضاعة مهم وتابعي دايما مع طبيب النسا اللي هيكتبلك مكمل غذائي بالجرعة المناسبة.. مينفعش ياماميز يكون عندك انيميا من غير متتعالج صحة ابنك بتبدأ من وهو في بطنك???

®الطفل من الشهر السادس من عمره بنديله حديد وقائي لمدة 3 شهور متتالية بالسنة حتي عامين و هيحتاج حوالي11 الي 12 ونص ملجم حديد

®بنعمل صورة دم كاملة روتيني عند بلوغ الطفل عامه الاول للاطمئنان علي نسبة الهيموجلوبين لو فيه انيميا نقص حديد بندي في الحالة دي الحديد بجرعته العلاجية وده لمدة 3 اشهر.

عشان ص kiحتهم تبقى حديد ?????
د/رحاب موسى
تغذية اطفال


كواليس هي مجلة فنية رياضية تصدر عن مؤسسة كواليس. تأسست المجلة سنة 2019