رئيس مجلس الإدارة

أحمد شلبي

رئيس التحرير

عمرو فارس

إشراف عام

نرمين حمزة

اعرف معالم بلدك .. سانت كاترين


78
الثلاثاء 30 يوليو 2019, 9:10 م


كتب /ايهاب حسن
_سانت كاترين من احلى وأجمل مدن مصر والعالم عشان بتتميز بطبيعة تختلف كليا عن باقي المدن ، المدينة اللي الناس بيجيلها من جميع انحاء العالم عشان يزروها خاصة فى اعياد الميلاد ، وان كانت النسبة الأكبر من طائفة الروم الارسوزكس خاصة من اليونان والمجر وقبرص وروسيا !
يسموها البعض رحلة العمر لروعتها وجمال طبيعتها والصعود لقمة الجبل عشان يشوفوا شروق الشمس ? والنزول لدير سانت كاترين

#كاترين كانت بنت مصرية اتولدت فى الاسكندرية سنة ١٩٤م فى اسرة ارستقراطية وثنية وآمن بالمسيحية وقت مكان. الامبراطور مكسمنوس بيهاجم المسيحيين بس هي هاجمته ورغم انه احضر مجموعة كبيرة من علماء الدين عشان يقنعوها تتخلى عن معتقداتها لكن هي رفضت وتمسكت بعقيدتها ✋

نتكلم باختصار عن رحلة صعود ونزول جبل موسى

#دليل_الجبل
بيبقى واحد من البدو اللي عايشين فالمدينة وحافظين تاريخها واغلبهم من قبيلة الجبالية اللي كان في بينهم وبين الرهبان ميثاق قديم بحماية الدير ورعايته والعمل بالسياحة وتقديم خدمات للزائرين اللي هيصعدوا جبل موسى ، بيرافقك ويشرحلك كل صغيرة وكبيرة ومعظمهم بشوشين ومتعاونين
#رحلة_الصعود
بتبدأ من الليل لانك بتاخد حوالي ٥ ساعات للقمة وطبعا بتخفف حمولتك وبتعمل حسابك فى مية وعصير وشوية ملابس تحسبا لبرودة الجو وفي استراحات فالطريق بناها البدو فيها مشروبات ومأكولات خفيفة تساعدك فى مشوارك للقمة بتبدأ رحلتك مرورا بمنطقة (حجر موسى )اللي التاريخ بيقول انها المنطقة اللي ضرب بيها سيدنا موسىبعصاه فانفجرت منه الماء للشرب! الفجر بتوصل للقمة وتستنى ساعة عشان تشوف شروق الشمس والسحاب اللي بتحس انك عايز تمسكه وتشبع روحك بالمنظر الجميل اللي ابدعه المولى سبحانه وتعالى?
فى قمة الجبل فى كنيسة صغيرة وجامع يُقال ان الكنيسة شيدت فى المنطقة اللي تسلم فيها نبي الله موسى الوصايا العشر اما المسجد فيعود للعهد الفاطمي وشيد بالقرب من الكنيسة من نفس الحجر الجرانيتي اللي شيدت منه
وتقدر من القمة تشوف جبل عباس اللي بيرجع تسميته نسبة لعباس باشا حلمي اللي شيد قصر ليه على قمته
#رحلة_النزول
حوالي الساعة ٧ صباحا بتبدأ رحلة العودة او النزول للدير ، ممكن تاخد طريق اصعب شوية بس أروع ?بعد متنزل حوالي ٧٥٠ سلمة بتمشي فى مدق صغير لحد متوصل لمنطقة (فرش النبي ايليا) نسبة الى وجود مغارة النبي ايليا او نبي الله الياس وهي حسب التوراه المنطقة اللي هرب فيها من قومه لكي يتعبد في الجبل وفيها ٣ كنائس يُقال ان واحدة لايليا والثانية ليوشع والثالثة للقديسة مارينا
بعدها تبدأ النزول على الصخرة اللي شيدها رهبان القرن السادس وسميت (سلالم التوبة)بعدها بيبدأ دير سانت كاترين فى الظهور وسط الجبال اللي حواليه وتحسها بتحرسه?
#اعرف_معالم_بلدك
#دمتم_مسافرين


كواليس هي مجلة فنية رياضية تصدر عن مؤسسة كواليس. تأسست المجلة سنة 2019