رئيس مجلس التحرير

خالد فؤاد

رئيس التحرير

عمرو فارس

إشراف عام

أحمد شلبي ونرمين حمزة

اعطاء اطفالنا فيتامينات بدون داعي يتسبب في مشاكل صحيه


521
الخميس 25 يوليو 2019, 8:30 ص


كتبت :دكتورة رحاب موسى

الماميز

الحلوين ازيكن ?
متكتبيلي يا دكتورة فيتامين عشان يفتح شهية الولد???
عارفين كام مرة بسمعها؟؟او اي دكتور اطفال بيسمعها……. طب ردي بيكون ايه؟ ??

اولا احنا لازم نعرف ان الفيتامين دا دواء زي اي دواء ليه دواعي استخدام وجرعة محددة ومدة لاعطائها. واحيانا بعض الفيتامينات لو تم اعطائها بدون داعي لفترات طويلة او بجرعات خاطئة ممكن يتسبب بمشاكل. وان الاصل ان احنا نحصل علي الفيتامينات من مصادرها الطبيعية وهي الاكل

⏺️احنا عندنا نوعين من الفيتامينات فيتامينات اجبارية للطفل لازم ياخدها لانه مش هياخد كفايته من الاكل فقط

⏺️وفيتامينات اخري تعطي بس عند الحاجة لما يكون فيها نقص بالجسم او في امراض سوء التغذية… كمان في حالات امراض معينة تتسبب بصعوبة الامتصاص زي في امراض الكبد البانكرياس و الاسهال او في وجود امراض تزيد من احتياج الجسم ليها.

⬅️الغيتامينات بتساعد مع الاكل لكن مفيش حاجة اسمها ابني ضعيف ومبياكلش فاديلو فيتامين بس علطول من غير مااعرف ايه السبب اولا في الضعف اوفقد الشهية وعلي اساسه اعالجه؟

⬅️ميكنش الطفل بياكل حلويات وشبسيات طول اليوم ونقول دا معندوش شهية للاكل ليه ؟

⬅️ميكنش بياخد سعرات حرارية اقل من اللي محتاجها ونقول هنديله فيتاميين بس وهو سحر بقا هيتخنه ويكبره كدااا لوحده??

?ليه دايما بندور علي السهل معلقة فيتامين ونريح دماغنا ولا نهتم باكل بقا ولا غيره… ها لييييه؟؟؟

?نيجي بقا للاعتقادات… ابنك تخين رفيع او وزنه كويس دي مش حاجة تقديرية او مرتبطة بأن الاهل عايزين الطفل شكل معين فلو مش الشكل دا يبقي الطفل ضعيف ونحيف
كتير بلاقي اطفال شكوى اهاليهم الاساسية ان دا ضعيف وززنه قليل نيجي نحطه علي منحني النمو بتاعه نلاقيه كويس و في المعدل الطبيعي بتاعة لكن المشكلة ان ساعات الاهل عايزين عيالهم بصورة نمطية ان الولد لازم يبقي مربرب كدا وبخدود عشان يبقي عنده صحة عشان يبقي زي ولاد خالته او ولاد عمته
للاسف مفهوم خاطئ جدا جدا ⛔⛔⛔..

? اللي يحكم علي الطفل هو انه وزنه و طوله وباقي قياسات النمو وتطوره الحركي والعقلي تمام وبصحة جيدة بدون امراض مزمنة تحاليله كويسة يبقي خلاص ملوش داعي الفيتامينات الا الفيتامينات الاجبارية الوقائية اللي الجسم ميقدرش يعوضها بالاكل لوحده ودي ليها جرعة حسب عمر الطفل وزنه واحتياجه.

اما لو الطفل كان عنده سوء تغذية ووزنه او طوله او الاثنين معا متأثرين واقل من الحد الطبيعي لعمره او وزنه ثابت لفترة طويلة مش بيزيد فهنا هنحتاج اكيد للفيتامينات بجانب وضع نظام غذائي خاص للطفل مع استبعاد طبعا الاسباب الأخري زي الخلل الهرموني وخلافه.

مثال للفيتاميتات الوقائية المهم اعطائها
⏺️حقنة فيتامين ك عند ولادة الطفل مهمة
⏺️فيتامين د من اول يوم بعمر الطفل مننساش ال 4 نقط بالفم كل يوم??? في اول سنة و6 نقط بعد السنة
⏺️فيتامين أ من الشهر السادس جرعة وقائية مرة واحدة تكرر كل 4الى 6 شهور حتي 5 سنوات من العمر
⏺️الحديد يعطي من الشهر السادس بجرعته الوقائية
الجرعات طبعا نرجع فيها للطبيب المختص.
اتكلمت في بوست قبل كده عن فيتامين د والبوست الجاي هيكون عن الحديد?. تابعونا
لايك شير للمعلومة
دمتم سالمين
د/ رحاب موسى
تغذية اطفال


كواليس هي مجلة فنية رياضية تصدر عن مؤسسة كواليس. تأسست المجلة سنة 2019