الفرق بين السعرات الحراريه والقيمه الغذائية

دكتورة صافى سلامة

لازم اولا نعرف الكلمتين دول ايه القيمه الغذائية هوا أن الاكل الي باكله ده حيديني ايه من الكربوهيدرات أو بروتين أو دهون وفيتامينات ومعادن

مثلا غزل البنات ولا علبه لبن بالفاكهه للبنك
تعالي. اقولك
غزل البنات من المعروف انه شويه سكر فقط
علبه اللبن
عباره عن بروتين وكربرهيدرات و دهون وكالسيوم ومعادن وحاجات تانيه

مع انك لما قريتي على العلبه لاقيتي أن السعرات الحراريه واحده
صح
ايون ممكن أن يكون عندك حاجتين نفس السعرات الحرارية ولكن مش نفس القيمه الغذائيه

تقول تاني
عندك طبق كشري مثلا
سعرات الحراريه نفس سعرات قطعه من الشوكولاته
تفتكري انه فيهم
قيمته الغذائية أعلى
اكيد الكشري أعلى من الشكولاته
الشكولاته سكر أو كربوهيدرات مثلا بس
والطبق التاني
فيه كل حاجه زي الكربوهيدرات دهون بروتين فيتامينات

إذن
ممكن تحسن صحتك
باختيار أقل سعرات حراريه مع أعلى قيمه غذائية
أو متخروجش في اختيارات الاكل عن bmr
السعرات الحراريه الكافيه ليك بس مع اختيار اغذيه عاليه القيمه الغذائية

الدايت في كلمتين
تقليل السعرات الحراريه تعليه القيمه الغذائية

المعادله ديه تضمن لأي اسره صحه وسلامه بدون أمراض سمنه أو ضغط أو سكر
افهم علشان تعرف تختار صح