حكايات وأسرار البنات والستات .. حكاية شفا

كتبت : غادة حنفى
الحقيقه دايما بتبقي صعب ان حد يصدقها لكن في النهايه هي واقع لازم نعيشه ونتعايش معاه…بعد ماشوفت صوره ندا انها اختفت وأهلها بيدوروا عليها قررت اني اروح اشوف اهل ندا علشان اعرف اختفت ازاي مع انها كانت معايا في بيت الطالبات،لما كنت هناك.سافرت الزقازيق وقابلت ام ندا ست غلبانه اوي شكلها مغلوب علي امرها .عرفتها بنفسي
حياة:انا عاوزه اعرف ازاي ندا اختفت
ام ندا:هي اخر مره كلمتني كانت جايه ..البلد
حياة:طيب تعالي معايا نعمل محضر في القسم ونتهم فيه صاحبه بيت الطالبات مدام فريده وبنتها شرين في انهم ورا اختفاء ندا
ام ندا:بس هما مالهمش دعوه بنتي سابت البيت وماحدش يعرف عنها حاجه
حياة:لا انا متأكده ان البيت ده بيحصل فيه حاجات مريبه انا بنفسي شوفتها
ولسه بكمل كلامي معها سمعت صوت بنت بتصرخ قامت جريت علي الاوضه قمت ورآها هي شقتها بسيطه جدا،لاقيت بنت نايمه علي السرير بتصرخ أمها بتحاول تمسكها لانها عاوزه تأذي نفسها حاولت أساعدها راحت مطلعه حقنه وأديتها لبنتها ابتدت تسكت وترتاح انا قريت الحقن لقيتها لمرضي الصرع
ام ندا:دي اخت ندا شفا كنت طالبه في كليه الآلسون شايفه جلدها بقي شبه اللي عندهم (مرض البرص)ازاي مع انها كانت جميله ومتفوقة
وهي بتحكي حاسيت ان شفا بتبصلي بعينها وكانها بتطلب مني اني أساعدها شعور غريب دخل قلبي اول ما شوفتها
حياة:انا ممكن اقدر اساعدك انتي ليه بتديها حقن صرع هي عندها صرع
ام ندا: لا ماعندهاش صرع
حياة:اومال انتي بتجيبي الحقن دي منين دي ممنوع صرفها لازم بأمر الدكتور
ام ندا:هو ابن عمها دكتور في صيدليه وهو اللي بيديني الحقن وعملني ازاي اضربها ،وبصراحة لما بتاخد الحقن بتنام وتبقي كويسه
حياة:بس ده غلط لان الحقن دي بدمر خلايا المخ خصوصا لوحد مش عيان بالصرع
ازاي دكتور يعمل كده ويصرف حقن من نفسه ..انا لازم ابلغ عنه
ام ندا:هو بصراحه مش دكتور هو شغال في الصيدليه من زمان بس احنا بنعتبره دكتور وبعدين هو الوحيد اللي واقف معايا ومش سايبني أرجوك بلاش
حياة:طب أحكيلي ايه اللي حصل ل شفا وصلها للمره دي
ام ندا:انا بعد ما أبوندا مات ماعنديش غير ندا وشفا .. سامي ابن عمهم معجب ب شفا.. خريج دبلوم صنايع واشتغل في صيدليه الدكتور عزت بس شفا بنتي كان هدفها انها تكمل تعلمها وتشتغل وفعلا لما نجحت في الثانوية العامه دخلت كليه الآلسون جامعه القاهره وسكنت في بيت الطالبات بتاع الجامعه سامي ساعتها كان عاوز يتجوزها وتكمل تعليمها في بيتها بس هي مارضيتش اصل شخصيتها قويه لاغايه مافي يوم راحت تزور ابوها هنا في المقابر اخر البلد هي وسامي واتاخرت انا قولت تلاقيها مع ابن عمها اتصلت عليها لاقيت تليفونها مقفول اتصلت عليه قالي انه من بعد ما اتخانقت معاه في المقابر سيبها ومشي.. فضلنا انا وهو وأختها واهل البلد ندور عليها لاغايه تاني يوم بالليل لاقيت سامي بيكلمني ويقولي تعالي يا مرات عمي انا لاقيت شفا..كانت وقعت في مقبره وأغمي عليها والتربي وهو معدي لاقي المقبره مفتوحة قفلها وماكانيش يعرف انها وقع فيها ..تاني يوم بالليل ناس معديه في المقابر سمعت صوت حد بيصرخ فتحوا لاقوا شفا ومن ساعتها وهي كانت بتصرخ وتعيط رحت بيها المستشفى الدكتور قال حاله نفسيه من الليله اللي قضيتها في الترب وكتب لها علي علاج سامي هو اللي جابه وكان الاول بيحي يديها العلاج وبعدين علمني ازاي ادي حقن علشان علاجها طول هي علي الحال ده بقالها سنتين ..وانا ما بعرفش اقري ولا اكتب
حياة:طب وريني العلاج اللي بتاخده
فعلا شوفت كارثه بتاخد علاج يدمر خلايا المخ استحاله حد يستعمله حتي لوكان مريض لان في ادويه لما تتاخد مع بعض بتعمل خلل في الجسم
حياة:معلش انا لازم ابلغ في البني آدم ده هو اللي دمر حياة بنتك سنتين …والمرض الجلدي اللي جالها ده من الادويه الغلط ده مجرم لازم يتحبس
وانا خارجه وهي بتعيط بحرقه
ام ندا:لا لا انا بنتي ملبوسه من الترب وفي شيخ سامي عارفه بيجي كل شهر يفك اللي حصلها وان شاء الله هتخف قريب
حياة:يا ستي سامي ده اكيد هو اللي بيعمل كده لهدف في دماغه انا مش هسكت
ام ندا:ده بيحبها اكتر من نفسه وبعدين هو لِسَّه كاتب كتابه عليها من خمس شهور لما لاقي موضوع علاجها طول قالي انه معها لآخر العمر
حياة:انتي ازاي توافقي علي كده والمؤذن ازي كتب
ام ندا:ماهو المؤذن مش غريب قريبنا برده وعمها كان وكيلها
حياة:لو سمحتي وقفي أي علاج
وخرجت وسيبتها ورحت القسم اعمل محضر في سامي والعلاج اللي بيطلعه من غيرروشته وبصفتي دكتوره كتبت تقرير عن خطورته والظابط كان شاب محترم اوي اسمه عبود وجه سامي شاب في الثلاثين من عمره مثقف وعارف هو بيعمل ايه
عبود:الدكتوره عامله محضر فيك لانك بتدي علاج من غير روشته والعلاج ده جدول وكمان دمرت حياه .. شفا عبدالعزيز

سامي:الكلام ده كدب وشفا دي مراتي وانا ابن عمها وانا ماعرفيش الدكتوره جابت العلاج ده منين
حياة:من عند شفا اللي انا مش عارفه انت عملت فيها كده ليه
عبود:يعني العلاج ده مش انت اللي صرفته من غير روشته
سامي:لا يا فندم انا ماعرفيش عنه حاجه
خرج الظابط بعد ما دخل عسكري طلب منه ان المأمور عاوزه،وانا كنت مع سامي لوحدينا في المكتب قرب مني وابتسم ابتسامه خفيفه كلها خبث وبصلي بعينه من تحت نضاره نظر لابسها وهمس ليا
سامي:شفا لما قررت تسيبني دفنتها حيه،ورميت عليها تعويذه جابت لها صرع انتي بقي احسن لك تبعدي عننا لاحسن اخاليكي تشوفي ليله زي اللي عايشتها شفا في التربه..
خفت جدا وماعرفيتش أرد دخل الظابط وبص حس ان في حاجه
عبود:في حاجه يا دكتوره
بص عليا سامي بابتسامه خبيثه ..هزت راسي للظابط ان مافيش حاجه
سامي:يافندم انا بشكر الدكتوره لاهتمامها بس هي ما تعرفيش ان شفا بنت عمي ومراتي وقعت في تربه واتقفلت عليها يوم ب ليله وللأسف التربه دي بتاعت واحده ست معروفه في البلد انها ماتت محروقه لانها كانت بتعمل اعمال للناس وشغاله في الدجل والشعوذة وهي بتعمل سحرها اتحرقت حتي لاغايه دلوقتي لو عديت من اودام المقبره بتاعتها تسمع صوتها وخصوصا في أيام معينه،،وكل البلد عارفه كده
عبود:طب تفتكر الدكتوره بتتهمك كده ليه
سامي:مش عارف انا أصلا ما عرفهاش وهي اكيد هتسحب اتهامها ولا ايه
مش عارفه أرد ولا عارفه اتصرف كنت خايفه منه ومن شكله حاولت استجمع قوتي
حياة: بس انا مصممه علي بلاغي وانه فعلا بيصرف العلاج ده من غير روشته ودمر به خلايا مخ شفا،،
عبود:طيب يا دكتوره انا بنفسي هعمل تحرياتي في الموضوع ده لو طلع حقيقي مش هرحمك ،
خرجت من عند الظابط وانا تايه ازاي واحد يعمل كده في انسانه بيحبها علشان رفضته يدمرها بالطريقه دي ويخاليها تعيش معاه غصب بعنها وعايشه شبه الأموات ،وهو وسط الناس شخص مثالي وطيب والمصيبه انه بجح بيعترف باللي عمله ليا عادي ويهددني كمان ،بس انا مش هسيبه غير لما أحبسه وأعالج شفا،وهدور علي ندا