كلمات الشاعر / محمد صبحي
ياللي إنتو سبتونا
للوحدة بعديكم
سيبولنا هم الفراق
خلو الونس ليكم
وماتحملوش همنا
ولا تحيوا ماضيكم
وإمحوا أثر قلبنا
من روحكو وعنيكم
وإتمنوا تلقوا السند
اللي يخليكم
تتباهوا وسط الناس
ويكونو وسطيكم
خرزة تشيل الحسد
البادى فى عنيكم
وتعيشو وسط الخلق
والحق يديكم
على أد نيتكم
لو كنتو أد الخير
خير ربنا يجيكم
والشر لو منكم
ناركم هتفنيكم
ياللي إنتو بعتونا
لو جفن عينا إتقفل
والله ننفيكم
والمنفى مش قلبنا
ياللي إنتو خنتونا
بكفاية غربة وقهر
ياللي إنتو بعتونا
بكفايه من سمكم
سممتو أرواحنا
وكفايه من غدركم
بدلتو أحوالنا
وكفاية من قربكم
خلو الوداع وداعين
إللي نعيشه فى يوم
تتعلموه فى سنين
ياللي إنتو فاكرينا
هنموت أكيد بعدكم
إحنا أكيد هنموت
لو كنا يوم جنبكم
إفتكرو من فضلكم
إتهجو علي مهلكم
حطو أساميكم
جنب اللي كان قبلكم
إحنا الدهب فينا
وكفاية أسامينا
يتهد ليها جبال
وطيتو ليه نفسكم
ورخصتو فى عنينا
المركب إللي تروح
أبدا ما ترجعشي
وإللي ملانا جروح
بُعده مايوجعشي
