غادة حنفى
ليه لما بنحب الدنيا اوي تحصل حاجه في حياتنا نحس بها ان الدنيا بتقولي لا استني مش انا اللي أتحب انتي فاهمه غلط ؛؛
انا ديجا ليا اربع اخوات بابا موظف بسيط وامي زي أي ست مصريه حياتها روتينية اوي.انا بقي بحب الحياه نفسي أعيش ويبقي معايا فلوس كتير اتجوز واحد مشهور غني أعيش حياه مختلفه وأسافر اشوف الدنيا .قررت اني اشتغل وانا في الجامعه عاوزه اجيب لَبْس غالي زي البنات وبابا طبعا امكانياته ما تسمحيش.اشتغلت بعقد في نادي من النوادي الكبيره.كنت بحب اتفرج علي ملعب التنس لاغايه لما شوفت لاعب هناك ،وسيم اول ماشوفته عينيه مش قادره اشيلها من عليه في حاجه غريبه حصلت ليا هو ما كانيش بيبص عليا أصلا دايما مامته كانت تقعد تتفرج عليه وتشجه ست شخصيتها قويه لما سالت عليها عرفت انها مدام كوثر صاحبه محل كبير في وسط البلد وده ابنها محمود وعندها بنت اسمها هدي متجوزه مابتعمليش حاجه في حياتها غير انها عايشه ل ابنها وبس طول الوقت معاه،من ساعه ما شوفته اتمنيت ان محمود يبقي من نصيبي ازاي مش عارفه.بروح البيت سرحانه طول الوقت فيه،اخواتي لاحظوا
ناديه:ايه يا ديجا مالك حاسين انك متغيرة بقالك فتره اعترفي
ناهد:تلاقيها عاوزه تشتري موبيل جديد انتي مش عارفه اختك وإنعرتها
ديجا:لا الموضوع مش كده خالص
ناديه:يبقي في عريس ايوه بقي خالينا نفرح
ديجا:للأسف ياريت نفسي بس هو مش وأخد باله مني أصلا
ناهد:وايه اللي راماكي الرميه السوده دي
ديجا:اصلك لو شوفتيه قمر وابن ناس شكله غني
ناديه:انتي هبله ده ما يتسبيش
ديجا:نفسي بس ازاي
ناديه:أولا خشي علي الفيس عنده واعملي له طلب صداقه ولو رفض ابعتي له رسايل انك تعرفيه وكان معاكي في المدرسه زمان وأنتم صغيرين.طبعا هو هيسالك ابقي ساعتها غير موضوع المدرسه وافتحي معاه مواضيع تانيه هتلاقي الكلام جاب بعضه
فعلا عملت كده واتكلمت معاه علي الفيس وأول ما عرف اني كنت معاه في المدرسه،فرح اوي وفضل ساعات يحكي علي المدرسين وانا طبعا باخده علي اد عقله وادخل في مواضيع تانيه.لاغايه لما قرر نتقابل في النادي
محمود:انا لازم اشوفك النهارده في النادي احنا بقالنا كتير بنتكلم وانا نفسي اشوفك بجد
ديجا:بس مامتك بتبقي معاك دايما
محمود:انتي عرفتي ازاي
ديجا:بصراحه انا علي طول بتفرج عليك وانت بتلعب وبشوفها وهي قاعده
محمود:ازاي ما اخدتيش بالي منك لازم اشوفك انا هحاول اسيب ماما واقولها خارج مع اصحابي واستني عند البوابه انا هعرفك
فعلا خرجنا اليوم ده اد ايه كنت مبسوطه وفرحانه.عرفت منه ان امه قفله عليها تقريبا مالوش صحاب.عمره ماعرف أي بنت انا اول واحده فضلنا نخرج مع بعض اكتر من ست أشهر وهو ما يعرفيش اني بشتغل في النادي بعقد لانه عمره ما كان بيمشي بعيد عن ملعب التنس ارتبط بيا وانا كمان.لكن كان فيه عيب شخصيته ضعيفه جدا مش بيعرف ياخد قرر في حياته.قررت أقوله علي الحقيقه
ديجا:علي فكره انا ما كانتيش زميلتك في المدرسه انا بشتغل في النادي بعقد وأول ما شوفتك أعجبت بيك ما كنتيش عارفه اخاليك تاخد بالك مني ازاي فكذبت عليك
محمود:تعرفي ان دي احلي كدبه…انا بحبك
ديجا:يعني مش زعلان مني
محمود:كنت هزعل منك لو ماعملتش كده وعرفتي تكلميني انتي خالتيني أعيش احلي أيام حياتي انا تقريبا ما كنتيش عايش اوعي تسيبني في من الايام ديجا انتي بقيتي كل حياتي،انا فعلا بحبك اوي..
ديجا:كمان لازم تعرف اني من أسره متوسطه يعني
محمود:انا ما تفرقيش معايا..ايه الكلام الفارغ ده المهم اني بحبك انا هكلم ماما..
مش عارفه ليه كنت حاسه ان امه هترفض لكن الغريب وافقت وجت عندنا البيت وطلبت ايدي كانت بتقولي اهم حاجه عندي سعادة ابني حاسيت ان طاقه القدر اتفتحتلي فرحت اوي خصوصا ان شقه محمود كانت في مكان راقي زي ما كنت بحلم سافرت معاه لأول مره في حياتي اتفسحت عشت الحياه اللي كنت فعلا بحلم بها لكن طول الوقت في مشكله محمود شخصيته ضعيفه مش بيعمل حاجه غير لما أقوله اعمل دي ولا لاء حتي شغله كان ينزل محل امه في اقل من ساعه يكون في البيت كانه خايف من الناس حاسه ان عنده مشكله نفسيه لاغايه لما عملت حادثه بالعربيه واستنجدت به وانا في القسم لاقيته بعت امه ومحامي وهو خايف يجي.. سيبت البيت ومشيت،فضل يتصل ويحاول يصالحني..اتصالحت ..امه فضلت تزن علينا علشان نفسها تشوف حفيد لينا روحت للدكتور وأكد اني ما عنديش أي مشكله لكن طلعت المشكله عنده هو عيب خلقي وعمره ما هيخلف الاول انا اتعاطفت معاه وقررت اني مش هسيبه ابدا.لكن مع الوقت إحساس الأمومة جوايا هيموتتي نفسي ابقي ام.بصراحه هو بيحبني اوي
ودايما بيحاول يسعدني بكل الطرق.مع انا كل لما اتخانق معاه بسبب ضعف شخصيته.. يفضّل يتحايل عليا لاغايه ما يصالحني.اتعرفت في الفتره دي علي واحد تاني رجل اعمال متجوز وعنده أولاد مستعد يتجوزني بعد ما اتطلق لكن مش عارفه اخد الخطوه دي بسبب محمود اللي طول الوقت بيحاول يسعدني،وينفذ أي حاجه انا عاوزها حتي امه بتعاملني زي بنتها واكتر لكن انا نفسي أعيش وابقي ام وأكمل فرحتي محتاره مش عارفه اعمل ايه مع ان كل الناس بتحسدني علي اللي انا فيه ؟؟
