غادة حنفى
دايما الطبيه بتخالي اللي اودامك يفتكر انك ضعيف.انا بحب دايما اللي اودامي يفهم كده لاني ببقي قاصده؟؟ وهي دي ألقوه الحقيقه..
انا رَيَّا ممرضه متجوزه وعندي كريم وخالد.جوزي حاتم شغال موظف بصراحه من يوم ما اتجوزنا وانا بدفع كل مرتبي في البيت.ساكنه في نفس البيت اللي فيه امي علشان تخالي بالها من العيال وانا في الشغل خصوصا اني بنزل شغل في عياده خريجه.انا ممرضه أمراض نسا وولاده كنت بكسب كويس..تقريبا عايشه حياه.هاديه وروتينيه..برجع من المستشفى اتغدا مع العيال وارتاح شويه وانزل العياده بالليل ساعات كتير بتأخر في الشغل لما بيكون في حالات حرجه لاغايه لما مره الدكتوره اللي بيشتغل معها سافرت مؤتمر شهر.قولت فرصه اخد جوزي وعيالي ونسافر نتفسح في اسكندريه أي حتي نغير جو.
رَيَّا:حاتم.. بقولك ايه ما تيجي نسافر نغير جو ؟؟
حاتم:نفسي بس انتي عارفه الظروف انا مش معايا أي فلوس؟
رَيَّا:ليه بتؤدي فلوسك فين؟
حاتم:انتي بتهزري في البيت هما عيالك بيخالوا معايا حاجه؟؟
رَيَّا:نعم..ده انا بجيب طلبات البيت كلها وانا راجعه من الشغل وفلوس المدرسين بسيبها للعيال..ده حتي الكهربا والميه من ساعه ما نقلت من شقتنا وجيت هنا علشان امي تخلي بالها من العيال وانا اللي بدفعهم.مافيش غير الايجار اللي من يوم ما جينا هنا انت ما دافعتيش غير شهر واحد؟؟
حاتم:يا سلام ماتقولي كمان انك بتديني مصروف؟!!
رَيَّا:ايوه انت نسيت لِسَّه واخد مني خمسائه جنيه وقولتي مزنوق.انا لازم اعرف بتؤدي فلوسك فين؟؟
اتخانق معايا لأول مره من سنين وساب البيت ومشي.فكرت شويه قولت لنفسي يمكن يكون عيان وبيجيب علاج انا اللي مقصره بقالي كتير مش بقعد أتكلم معاه برجع من الشغل تعبانه انام..انا اللي غلطانه أهملته ..قمت نزلت روحت الكوافير وجيبت له قميص هديه واشتريت ليا جلابيه حلوه وقولت ارجع أيام زمان انا فعلا مقصره معاه .رجع نص الليل لاقيني قاعده مستنيه اول ما شافني ضحكه بسخريه
حاتم:ايه اللي انتي عملاه في نفسك ده انتي كبرتي علي الكلام ده!
حاسيت ساعتها بكسرت نفس ..مسكت أعصابي علشان ما اتخانقيش معاه
رَيَّا:يا حبيبي معاك حق احنا هناخد زمنا وزمن غيرنا ما انت كمان اهو كبرت برده
حاتم:لا الراجل بيفضل شباب عمره ما بيكبر طول ما في صحه تهد جبال.قومي اعمليلي كوبيه شاي وامسحي اللي في وشك ده.. معاكي شباب في البيت ما يصحش يشوفوا امهم كده..
رَيَّا:انت محاسسني اني لابسه بدله رقص في ايه؟انا صبغت شعري بس تغير شويه.
فضل يضحك ودخل البلكونه انا دخلت اعمل شاي.وانا هنفجر من الغيظ.. رجعت لاقيته ماسك التليفون بيضحك وعينه بتلمع.بيكتب رسايل لأحد ومستمتع اوي
رَيَّا:انت بتكلم مين؟؟
حاتم:واحد صاحبي..
الشك دخل قلبي .شكله متغير جايب لَبْس كتير مع اني متعوده انه دايما غاوي يلبس كويس بيهتم بنفسه من يوم ما عرفته يمكن انا اللي اهملت نفسي..دخل نام من غير حتي ما يتكلم معايا دخلت وراه.مسكت التليفون بعد ما نام لاقيته عامل ليه باص ورد.استغربت اوي ليه عمره ما عمل كده الشك ذاد..تاني يوم راح الشغل وانا اخدت اجازه من شغل المستشفى كمان.دماغي هتنفجرمن كتر التفكير ..قعدت مع امي وأختي كريمه أتكلم معاهم..
كريمه:اكيد يعرف واحده..
الام:حرام عليكي ده حاتم غلبان يا بنتي مالوش في الكلام ده..
رَيَّا:انا حاسه انه متغير حتي التليفون عامل ليه باص ورد في حاجه اكيد مخبيها فلوسه فين انا اللي بصرف هو مش بيدفع جنيه في البيت..
كريمه:تستاهلي ياما قولتلك حاوشي قرش ينفعك للزمن انتي غبيه..
رَيَّا:يعني جوزي وأبوعيالي بقالي معاه سبعه عشر سنه .هو تحويشت عمري فلوس ايه اللي اشيلها بس..
كريمه:بقولك ايه في برنامج ترسليه علي الوتس بمجرد ما بيدخل عليه بيبقي التليفون بتاعه بالنسبه ليكي كتاب مفتوح..
الام:اوعي تعملي كده هتتجسسي علي جوزك والله عيب..
رَيَّا:يا امي انتي عايشه في أيام زمان..الدنيا اتغيرت.قوليلي اعمل كده ازاي؟؟
كريمه:ابني بقي دي شغلته هو هيعملك كل حاجه..
فعلا ابن اختي خد تليفوني وبعت رساله له فتحها وفعلا .شوفت الرسايل اللي علي تليفونه والشك بقي حقيقه عرفت انه خاطب وهيتحوز في شقتنا وجاب عفش والعروسه مصوره الشقه بعد ما فرشتها.كنت هتشيل فكرت في عمري سبعه عشره سنه شغل وشقي لما كان عيان كنت تحت رجليه العيال اللي المفروض يفكر فيهم فكر في نفسه اناني.الدنيا لفت بيه فضلت اعيط بحرقه حاسه بسكينة في قلبي.دخل عليا لاقيني بعيط فضل يحضن ويطبطب عليا عاوز يعرف في ايه..هو بصراحه طيب وحنين..
حاتم:مالك يا حبيتي في ايه ؟؟ايه اللي حصل ؟؟
انا ابص له مش قادره أرد عليه.قام عمل ليا ليمون العيال جم يبوسوا ايدي يطبطبوا عليا.في أللحظه دي وهو واقف وسط العيال في الاوضه حواليه قولت لا انا مش هقوله وهتصرف بعقل..
حاتم:احنا اول مره نشوفك كده في ايه مالك؟؟
رَيَّا:اصل واحده زميلتي ماتت في الشغل النهارده.
فضل يطبطب عليا ويبوس في راسي..
حاتم:طول عمرك قلب طيب يا حبيبتي هوني علي نفسك انا معاكي اهو اومال لو انا بقي اللي موت هتعيطي كده..
في اليوم ده فضل جنبي ما سابنيش لحظه قولت في نفسي ياتري ضميره وجعه ولايمكن حاسس انه غلط في حقي.فكرت في بيتي عيالي عمري اللي راح.قررت أدافع عن بيتي بطرقتي،لاقيته كاتب لها رساله البيه اني عيانه وقاعد جنبي بتقوله الهانم.معلش اصلها عضمه كبيره خاليك جنبها حرام..كنت هتشل انا عضمه كبيره ماشي هوريكي..نزلت اليوم ده العطار جيبت زيت كافوري وخلطه انا اعرفها علشان احطها ليه فيشعر بالتعب،ونشوف بقي مش هو بيقول الراجل بيفضل شباب طول مافيه صحه تهد جبال وريني الصحه فين؟؟المهم بقيت أحط ليه الغلطه في الاكل لوحده بعيد عن العيال من غير ما يحس..
رَيَّا:بقولك يا حبيبي انا خلاص هسيب الشغل مع الدكتوره في العياده وكفايه المستشفى.
حاتم:ليه الفلوس كانت بتنفع العيال..
رَيَّا:النافع ربنا..انا خلاص بقيت عضمه كبيره وتعبت..
لاقيت وشه اتغير..واندهش من كلامي..
حاتم:ماتقوليش كده ده انتي لِسَّه شباب وقمر..
رَيَّا:انت شايف كده اومال مالك صحتك بقت في النازل فينك يا سبع كنت بتهد الدنيا..
وفضلت أضحك وهو متغاظ راح في اليوم ده لدكتور كتب له علي مقويات انا قولته خاليها حقن احسن علشان مفعولها بيبقي أسرع هو طبعا بيثق في كلام انا كنت مجهزه حقن تهده اكتر كنت أخبئ الفيتامينات واديله الحقن التانيه صحته بقت في النازل.عرفت من الرسايل ان الهانم زعلانه انه بيأجل ميعاد الفرح مستعجلة الحلوه الصغيره.المهم عرفت انه فرحه هيبقي بعد شهر.روحت بقيت إديله حقن منوم ينام كتير.وعلقت له محاليل علشان ما يحصليش له هبوط،.فضل ثلاث أيام كده.قام تعبان طبعا من كتر النوم ..عضلاته وأعصابه تعبانه اوي لاقيني قاعده تحت رجله..
حاتم:ايه اللي حصلي انا جري ليا ايه؟؟
رَيَّا:ياحبيبي حمدالله علي السلامه..
فضلت أبوس في ايده ورجله..
رَيَّا:انت كنت هتموت دخلت في غيبوبه حالتك كانت صعبه اوي.. الدكتور قالي ان قلبك تعبان يا حبيبي.الف سلامه عليك انا فداك يا قلبي ربنا يخاليك لينا ..العيال هتجنن عليك.الدنيا من غيرك ماتسويش ياحبيبي..
بكي وحاسه انه غلط في حقي مسك ايدي فضل يبوس فيها
حاتم:انا اسف لو كنت زعلتك حقك عليا انا عمري ما هزعلك تاني..
طبعا حاسس انه هيموت الوهم هيقتله لاغي الجوازه وأجر شقتنا علشان المصاريف ذادت عليه لاني سيبت الشغل وقاعدت إربي العيال وأربيه؟؟اهم حاجه الطبيه..
