غادة حنفى
دايما بننخدع في اقرب الناس لينا والصدمة بتوجع القلب.عكس صدمتنا بأعدائنا لاننا عارفينهم.عادي جدا لو اتصدمنا فيهم..
انا بنت زي كتير بحب اصحابي اوي.ليا اخوات لكن اصحابي اقرب ليا منهم.اتعرفت علي معيد في كليه اداب اسمه وليد شاب محترم وابن ناس حبينا بعض وأتقدم ل بابا اتخطبنا عشت اجمل أيام حياتي.في الفتره دي كنت بجهز الشقه بصراحه هناء صاحبتي من أيام الدراسه وزميلتي في الشغل كانت دايما معايا مش بتسيبني امي واخواتي كانوا بيضيقوا منها .انا قولت اكيد بيغيروا منها علشان انا بحبها وتعرف أسراري كلها.وليد كان كريم معايا أي حاجه عاوزها يجيبهالي كان بيجي عليا وقت احس ان مافيش بنت شافت السعاده وحاله الحب اللي كنت بعيشها مع وليد.اللي طول الوقت بيعمل أي حاجه تسعدني ومفاجآت.كتيروهدايا..لاغايه لما مره كنت قاعده معاه جاله تليفون..وشه اتقلب..
شيمو:مالك مين اللي كلمك؟؟
وليد:ابدا بابا بس تعبان شويه ولازم أقوم..
شيمو:طب اجي معاك نشوفه؟
وليد:لا روحي انتي وانا هبقي أكلمك..
وسابني ومشي انا استغربت اتصلت ب هناء قابلتها.كنت متضايقة خصوصا ان بقاله فتره متغير..
هناء:اكيد يعرف واحده..
شيمو:لا وليد بيحبني استحاله يكون في واحده تانيه..
المشكله اني فعلا اقتنعت بكلامها روحت البيت وانا مخنوقه بتصل ب وليد تليفونه مقفول مش عارفه في ايه اختي فاتن دخلت عليا هي وماما..
ماما:مالك عينك حمرا كده ليه..
شيمو:انا مخنوقه اوي..
فاتن:من ايه ده انتي فرحك كمان شهرين..
شيمو:انا حاسه ان وليد يعرف واحده..
ماما:يا بنتي حرام ده بيعرف ربنا عمره مايعمل كده بطلي هبل..
فاتن:ازاي عرفتي..
حكيت لأختي الحكايه بعد ما امي خرجت فضلت تضحك وتقولي فعلا هبل ممكن يكون حصل حاجه.سيبك من الأفكار دي.وجت هناء كالعاده تقعد معايا وأختي مش بتحبها سابت لينا الاوضه وخرجت فضلت هناء في اليوم ده تقنعني ان وليد يعرف واحده الشك دخل قلبي ووافقت علي الفكره اللي قالتلي عليها وهي انها هتجيب خط تليفون وتكلمه منه وتسجله علشان تسثبتلي انه يعرف بنات ،للأسف بغبائي وافقت جابت الرقم كانت بتكلمه.هو محترم كان بيقفل معها ..كنت فرحانه اوي قالتلي يمكن شك ان واحده من طرفي لانه ذكي جدا..المهم الفتره دي فعلا كان ابوه تعبان .وقرر يبقي الفرح قبل الميعاد علي اد ما كنت فرحانه.لكن طول الوقت هناء تأكد ليا انه يعرف بنت وبيكلمها علي الفيس وفي بينهم رسايل لاغايه لما في مره كنت معاه
شيمو:وليد هات التليفون بتاعك..
وليد:ليه؟؟
شيمو:عاوزه اشوف في حاجه..
وليد:لكن انتي عارفه مابيحبيش حد يمسك تليفوني..
شيمو:لا أتعود لاني بعد الجواز همسك تليفونك كل يوم واشوف في ايه..
وليد:ما انا عارف انك هتعملي كده بعد ما نتجوز. من غير ما اعرف عادي كل الستات بتعمل كده انما قبل الجواز سيبيني حر شويه..
شيمو:علي فكره انا مصممه اشوف تليفونك..
وليد:لا..
شيمو:مش هتشوف وشي تاني..
وليد:ايه الجنان ده..
شيمو:هو كده..
وليد:براحتك..
مش عارفه ليه كبرت الموضوع مع انه بسيط جدا زعلت ومشيت بعد ما روحت هناء جت البيت كالعاده وامي كانت بتتخانق معايا علي اللي عملته.وسابتني مع هناء..
هناء:احسن اللي عملتيه معاه.. لو بيحبك هيصالحك ويكلمك..
شيمو:تفتكري..
هناء:طبعا هتشوفي.بس اوعي انتي اللي تتصلي به هو لازم يحي يصالحك فاهمه..
لكن عدي أسبوعين وما اتكلميش معايا وابتديت اقلق ميعاد الفرح قرب والمفروض يجي علشان نشوف القاعه ونشوف هنعمل ايه.اتصلت به مش بيرد الغريب ان هناء بطلت تيجي وتتصل بيا.. اختي دخلت عليا وانا بعيط..
فاتن:شوفت هناء مع وليد وانا راكبه الأتوبيس كانت معاه في العربيه..
شيمو:بجد..
فاتن:ايوه قولتلك الف مره البت دي وحشه من جوه مش بتسمعي الكلام ده هدومك كنتي مش بتخاليني البسها وتسلفيهالها ادي آخرتها تستاهلي..
اتصلت بها ردت عليا بقولها مش باينه ليه قالتلي اصل ماما تعبانه وقَاعده معها قولتلها طب عاوزه اشوفك قالتلي معلش اصلي مش فاضيه اليومين دول وقفلت معايا كنت هتجنن،اختي قالتلي البت دي ورآها سر لازم نعرفه.. اخد اخويا نزور أبو وليد..استغربت من مقابله مامته اتاري البيه كان قايل لها اننا هنسيب بعض انا اتفاجأت وأول ماجه شافني أتصدم..
شيمو:عاوزه اعرف بتصل بيك مش بترد ليه..
وليد:انتي عاوزه ايه؟؟
شيمو:مالك.بتكلمني كده ازاي..
وليد:انتي مش كنتي عاوزه تسيبني بس تيجي مني خلاص انا هسيبك..
شيمو:اسيبك مين قالك كده؟؟
وليد:عرفت وخلاص عموما احنا لِسَّه في الاول وانا مش عاوز اغصبك علي حاجه انا ماما هتروح عندكم تخلص الموضوع اللي بينا..
دماغي ولعت قلبي اتكسر طريقته في كلام وحشه اوي مافيش فرصه ارد عليه.روحت بيتنا..وانا مصدومه.
فاتن:في ايه مالك؟؟
شيمو:خلاص انا ووليد سيبنا بعض..
فاتن:نعم ازاي..
حكيت لها كل حاجه..
فاتن:انا عندي الحل هعرف هو عمل كده ليه،
اختي أصلا تخصص برامج كمبيوتر بعتت من تليفوني رساله ل هناء فتحتها دخلت علي جهازها عرفت من الرسايل اللي بينها وبين وليد.ان الزباله مركبه صور ليا مع واحد وانا نايمه علي كتفه وبتقوله اني بحبه وهنتجوز وكنت بدور علي أي سبب اخاليه يسبني..كنت عاوزه اروح اجيبها من شعرها لكن اختي قالتلي ما تقلقيش احنا هنضربها برده بطريقتنا.خالتني اجيب هناء البيت بعد ما كلمتها وانا بعيط ومنهارة ان خلاص سيبت وليد جت فعلا علشان تقف جنبي قعدت معايا وفضلت تطبطب عليا دخلت اختي فاتن معها علب كريم في شنطه،
فاتن:خلاص بقي سيبك من العياط والنكد شوفتي الحاجات دي من السعودية خالك كان جايبها علشانك..
شيمو:خلاص مش عاوزاه حاجه..
فاتن:يا هبله ده كريم شعر هيخالي شعرك طويل وحرير وكريم بشره هيفتح البشره ويخاليها زي الأطفال ودي بقي بودره تتحط علي الجسم بعد الاستحمام تحفه..
شيمو:قولتلك ولعي فيهم مش عاوزه حاجه..
فاتن:خلاص غوري في داهيه حاجتك أهيه يارب تولعي انتي يا بومه..
خرجت فاتن وهناء عينها هتطلع علي الحاجه كانت فاتن وهي خارجه خدت تليفون هناء من غير ما تحس..
هناء:اختك دي ما عندهاش دم حاجات ايه وزفت ايه..
شيمو:خدي الحاجات دي انتي هي فعلا ما تستاهليش..
هناء:لا يا روحي دي حاجاتك خديها اتمتعي بها..
شيمو:لا مش عاوزه حاجه بدل ماهي تاخدهم..
دخلت فاتن وكانت هناء بتاخد الحاجه فرحانه رجعت فاتن التليفون مكانه من غير ما هناء تحس.مشيت هناء لاقيت وليد بيتصل عليا.. وطلب يجي البيت..
وليد:انا مش عارف اقولك ايه بس صاحبتك بعدت ليا رساله بتعتذر علي اللي قالته عنك وبعتت الصور الاصيله والصور اللي متركبة وبتقولي انها ندمانه انها عملت فيكي كده انا مش فاهم حاجه.
امي:اصل بنتي هي اللي غلطانه لانها كانت فاكرها صاحبتها انما طلعت بنت كلب.
شيمو:انا اللي اتصدمت فيك ازاي تصدق عليا كده..
وليد:انا اسف تخيلي أعز أصدقاء اللي انتي بتقولي عليها بتحيبها اكتر من اختك جت وقالتلي انك بتحبي واحد وعاوزه تسيبني علشانه .وفرجتني الصور اعمل ايه.وفجاه اتخانقتي معايا وأسبوعين مش بتتصلي ولا تتكلمي وهي كنت اخرج من الجامعه الاقيها في وشي.. أقنعتني.لان عارف العلاقة بينكم.وعارف ان سرك كله معها صح..
شيمو:عموما هي خدت جزئها..
امي:ياريت تقدموا ميعاد الفرح وماتخاليش حد يدخل بينكم تاني..
ماما خرجت وهو قرب مني مسك ايدي فضل يبوسها ويعتذرلي ويطبطب عليا
وليد:انا كنت عاوز أقتلك لما شوفت صورك لكن ماهونتيش عليا اكتشفت اني بحبك قولت يمكن تكون سعادتك مع غيري..
شيمو:انا ماعرفيتش سعادتي الا وانا معاك.. انا بحبك..
عرفت اد ايه كنت غبيه اتصدمت في عمري اللي ضاع مع واحده كنت بحبها زي اختي واكتر كنت بتخانق مع اختي علشانها.لكن لما عرفت اللي حصل لها ناري هديت شعرها وقع من الكريم اللي حاطته علي شعرها ووشها اتحرق برده من الكريم وبودره العفريت خاليت جسمها بقي كله حبوب احسن تستاهلي ربنا يكفيكي شر اللي تتصدم في واحده صاحبتها!!!!
