غادة حنفى
بعد اللي شوفته انا وأبويا وأختي نوسه روحت البيت وانا تعبانه اوي أعصابي تقريبا منهاره لكن عاوزه ارجع اسكندريه تاني،اول ليله بعد ما رجعت من المقابر،كنت نايمه لاقيت اختي نوسه بتصحي فيا،،
نوسه:في ايه مالك؟؟
فله:انا اللي مالي انتي بتصحيني ليه؟؟!!!
نوسه:انتي عماله تنهدي كانك طالعه مطلع.. وتصرخي ..وشويه تصفيقي..وتزغرطي.. وتضحكي.. ايه الجنان ده !!!؟؟
فله:مش انا دي لازم فله البنت الصغيره!!؟؟
نوسه:ما احنا لازم نشوف حل مش هينفع كده انا حاسه اني خلاص فاضلي تكه وهموت من الرعب اللي عايشه فيه..
فله:طب اعمل ايه؟؟!!
نوسه:نشوف أبوكي بقي يشوف لينا حد يخرج البت دي منك..
تحكي نوسه لامي وأبويا علي اللي بيحصل،لكن ابويا باين عليه الخوف والقلق،لانه بيشوف حاجات بس مش بيقول احنا حاسين بده..لانه تقريبا مش بينام بقي عصبي جدا حتي الشغل بتاعه مابقاش يشتغل زي الاول ،،لاغايه في يوم كنت نايمه صحيت لاقيت نفسي عند مقبره فله نايمه أودمها وأبويا وأختي وامي ماسكين فيا بيسحبوني بالعافيه.اللحظه دي شوفت ابويا خايف اوي مش مصدق،،روحنا بيت في اسكندريه ننام فيه امي وأختي كانو عمالين يعيطوا عليا انا مش فاكره أي حاجه مش عارفه ازاي وأمتي حصل ده ،،المهم الليله دي واحنا في اسكندريه انا ما كنتيش انا غير لما دخلت علي ابويا ..،
ابويا:ابعدي عني انا ما كانيش قصدي أحرقك انتي اللي دخلتي عليا وانا كنت لِسَّه بتعلم في بدايه التعويذة انتي السبب…
امي:انت بتكلم مين؟؟
ابويا:فله اصلها مش هتسيبيني انا من ساعه ما ظهرت ليا انا هتجنن مش بنام منها..
نوسه:حرقتها ازاي ماهي سليمه اهي؟؟
ابويا:لا انا حرقت فله بنتي؟؟
صرخت امي فيه،،
امي:فله بنتك مين يا راجل يا مجنون انت ،خلاص البيت بقي كله عفاريت..
نوسه:استني بس يا امي نفهم..
ابويا:انا هقول لكم علي الحقيقه انا كنت متجوز واحده في اسكندريه وخلفت منها بنت كان اسمها فله كانت مولوده مش طبيعيه عندها كهرباء ذياده في المخ وبعدين اتحرقت لما دخلت عليا وانا كنت بحضر تعويذه لأول مره في حياتي ،،وامها بعدها اتجننت
امي:كان امتي الكلام ده؟؟
ابويا:لما كنتي حامل في فله..
نوسه:وفين ام فله دي..
ابويا:مش عارف كل اللي اعرفه كانت بتمشي في الشوارع وبعدين قالوا الناس انها كانت بتفضل تصرخ بالليل ،لكن اختفت وانتي لما خلفتي بنت قولت اسميها فله علشان كنت حاسس بالذنب ناحيه بنتي اللي اتحرقت،،لاغايه لما فله قرت التعويذة بتاعتها رجعتها تاني وانا من ساعتها مش عارف اصرفها،ولاعارف انام لانها كانت أصلا مش بتنام لانها كانت مش طبيعيه زي الناس،!!
نوسه:ياخبر اسود يعني احنا معنا عفريته محروقه ومجنونة يا مراري الطافح..
من غير ما احس عضيت اختي وصرخت فيا
نوسه:اسفه يا انسه فله ده انا اختك نوسه تآكلي شكولاته يا حبيتي..
امي:والحل يا بيه هنعمل ايه ادي جراير عمايلك السوده..
ابويا:ما تقلقيش في واحد اعرفه هنروحله بكره وان شاء الله يقدر يعمل حاجه.ويصرفها عننا..
نوسه :ولو ما قدريش هنعيش ازاي مع المجنونه دي..
تأخذ قلم علي وشها تبكي
نوسه:الله يسامحك يا أباً ،،،الله يسامحك،،ده احنا هنشوف أيام سوده
انا ما بقتيش حاسه بيها او بشوفها لانها بقت جوايا هي اللي بتتصرف بدل مني ..سيطرت عليا او انا اللي عوزاها تسيطر عليا علشان اعرف انتقم من ابويا لانه السبب في اني ما اتجوزتيش بركات اللي بحبه،كده عرفت ازاي انتقم منه!!!
