غادة الجمل
المقادير
عدد أجنحة دجاج
6 ملاعق كبيرة زبدة
2 فص ثوم (مفروم)
1معلقة صغيرة ملح خشن
¼كوب الصوص الحار
توابل للماء (بصله صغيره /فصين حبهان /ورقة لورا /1حبة طماطم صغيره/ملح/رشة فلفل اسود /عود كرفس/شريحة جزر )
الطريقة?
هنجيب حلة صغيرة وهنملى ربعها بالماء مع توابل الماء وهنحط جواها شبكة سلك ونسيبها على نار عالية لحد ما الماء يغلى.
هننزع أطراف أجنحة الدجاج الصغيره ونستخدم الجزء الخلفى للأجنحه فقط وهنحطها فى الشبكة السلك ونغطى الحلة ونوطى النار ونسيبها تستوى على البخار من 10الى 15 دقيقه
هنشيل الأجنحة من على الشبكة وننشفها بحرص وبعدين نجيب صينية نفرش فيها فوط مطبخ ونرص عليها الأجنحة وتدخل الثلاجة لمدة ساعتين
هنسخن الفرن على درجة حرارة 180 وفى الصينية هنستبدل فوط المطبخ بورق زبدة و تدخل الفرن 20 دقيقة وبعدين نقلبها على الجانب الآخر ونسيبها كمان 20 دقيقة.
فى بولة كبيرة هنسيح الزبدة ونضيف الثوم والملح والصوص ونخلطهم كويس.
لما الأجنحة تخرج من الفرن هنضيفها للبولة ونقلبها فى الصوص كويس وبكدة تبقى جاهزة للتقديم.
