رئيس مجلس الإدارة
أحمد شلبيرئيس التحرير
عمرو فارسإشراف عام
نرمين حمزة
رئيس مجلس الإدارة
أحمد شلبيرئيس التحرير
عمرو فارسإشراف عام
نرمين حمزة
كلمات الشاعر محمد صبحي
قالوا مرة إنى شاعر
وإنى بكتب فى المشاعر
وإنى حساس وإنى قادر
أوصف الحب فى حروفى
وأقدر أكتب عن ظروفى
وأعرف أرسم دنيا حلوة
وأمسك الشمس بكفوفى
قالو مرة إنى شاعر
بس مش عارفين بايه
قلبي شاعر
بالوجع
ولا غرقان فى الدلع
ولا هايم فى الغرام
ولا حس إنه إتخدع
قلبي شاعر
بس ساكت
عينى تلمع
دمعى باهت
كل عمرى فى كلمتين
فرحه جايه
وفرحه فاتت
مش مهم إن أبقى شاعر
المهم إن أبقى صابر
على إللي مكتوب والمخبي
وإنى أحس بيكو جنبي
وإنى أشوف بعنيكو دايما
نور لقلبي
مش مهم إن الكلام يبقى بميزان
الأهم فى كل كلمه
إنها تدى الأمان
لسه بتقولوا إنى شاعر؟
طب قولو لى لو سمحتو
هو أنا شاعر بإيه؟
لو ع الكلام
قادر أكتب كل يوم
خمسين قصيده
قادر أثبت بالكلام إنك فى قلبي
وأعرف اوصف أد إيه
إنك بعيده
قادر أرسم حجم حزنك
وأقدر أوصف كل يوم
إنك سعيده
أقدر أكدب كل ثانيه
وأقدر أحلفلك بحبي
وإن نبضة قلبي ليكى
كات جديده
أقدر أكتب كل يوم
وأوصف إنى أغنى واحد
وأثبت إنى ع الحديده
أنهى أحسن عند قلبك
إنى أكتب بس أكذب
و لا أحب الصدق فيكى
إنى أشوف وشك بيضحك
وأبقى جاهل لون عنيكى
صدقينى الكدب سهل
والكلام من غير ما أحسه
يبقى جهل
إسمعى من قلبي كلمه
حبي ليكى نهايته بيت
دنيا خضرا
وألف غيط
قادر أكتب كل يوم
بس أنا فضلت أسكت
ونلجل قلبك يرتوى
من نبض قلبي
من شعور إنسان بسيط
قالوا مرة
إنه شاعر
© جميع الحقوق محفوظة لمجلة كواليس وتخضع لشروط وإتفاق الإستخدام