كلمات الشاعر/محمد صبحي
وحاولت كتير إنى ما أشوفهاش
وفى لحظة ما تبص عليا
تلاقينى بغمض ف عنيا
وأعمل مكسوف
كات لحظة خوف
كات دايما تيجى وضعفى شديد
والماضى مخيف وطريقه بعيد
وأنا ماشي بغمض فى عنيا
تباريح الشوق تلعب بيا
والظلم يكتف ف إيديا
وألاقينى بقول
كات لحظة خوف
وأنا عمرى ما خفت
أنا شفت الناس علي حقيقتهم
وياريتنى ما شفت
أنا يا آمنت لناس منى
كان خوفى عليهم يقتلنى
والكدب بيرسم فى كلامهم
بس أنا صدقت
فى لحظة خوف
بس أنا دلوقتى خلاص
مبخافش
خفيت من خوفى وعديته
والقلب جديد زى المولود
وهعدى معاه من أى حدود
وهسيب فى حدودكو المكشوفه
ورقه وسطرين مكتوب فيهم
لله الأمر
كات لحظه خوف
