كلمات الشاعر/محمد صبحي
هى القصيدة والكلام
هى الغزل
هى إبتسامة شقشقت
على شط قلبى بالأمل
هى الغرام والكبرياء
والكلـمة هـى والزمن
أحضانها ملجأ فى المحن
وحروفها تاج
مكتوب عليه كلمة
(شـــــجـــن)
ضفايرها غنوة بتتغزل
فى عنيا من ضى القمر
وعنيها فجر بيتولد
يكبر فى أحضان الشجر
فى عنيها دنيا حدودها قلبى
وفى صوتها قلبى بيتولد
يطلع صداه تحت المطر
هذا الصدى
يحفر على التاريخ
إسماً من ذهب
إسمٌ برغم الدهر يبقى
إسمٌ إذا ما قيل فى الأزمان
يبقى كل ذئب مرتعب
ويظل قلبى مرتقب
ينظر إلى عينيك
شطاً من أمان
أمان القلب فى حروفك
وكل البركة فى كفوفك
وأول حرف لو قلناه
نقول : الميم
والميم مطر يعنى الحياة
والصاد صور فيها علم
مرفوع لآخر منتهاه
والراء رواية بتتكتب
فى سطورها غنوة
أو قصيدة أو كــلام
فى سطورها بتغزل
فى إسمك وأبنى قصر
لما إبتسامتك شقشقت
كتبت فى قلبى
إســــم مـــصـــر
