غادة حنفى
بقالي كتير مش قادره اكتب أي حكايه من ساعه ماشوفت نوفا وعرفت حكايتها هي سيدة في الثلاثين من عمرها جمالها بسيط اول ما تشوفها تحس انك تعرفها من زمان..وشها برئ زي الملائكه.لكن جالها انهيار عصبي بعد اللي شافته وتقريبا بقت في دنيا غير الدنيا..انا شوفتها في الشارع الناس بتقول عليها مجنونه لكن انا لما اتكلمت معها عرفت انها متعلمه وبنت ناس يمكن عندها حاله نفسيه فضلت اسال لاغايه لما عرفت حكايتها!!!!!
حكايتها بدأت لما راحت تزور قبر أمها كانت في مشكله مع جوزها وحزينه فضلت تبكي وتحكي لامها لاغايه لما الوقت بقي متأخر.
وأليل دخل عليها لِسَّه هتقوم تمشي لمحت نور خارج من تربه أمها والتربه مفتوحة استغربت جدا،تفكرها اتشل كل اللي عملته ولعت نور الموبايل الفضول والشوق لامها خالها دخلت التربه الغريب انها لاقيت ثلاث جثث بجانب أمها وفي جثه منهم علي رأسها واحده قاعده وضامه ركبتها علي صدرها وماسكه الركبتين بايدها.ولان الدنيا كانت ضلمه اوي ونور الموبايل مش واضح،،
=قولت في نفسي يمكن بيتهيألي..لكن اللي لافت نظري ازاي التربي يدفن ناس جنب امي من غير مايقولنا؟؟
خرجت بسرعه روحت دورت علي التربي اسمه ابونادي
=انت ازاي ما تقوليناش انك دفنت ستات مع امي
=ستات ايه دي مراتي يا أستاذه لاغايه لما كنت ببني تربه وهنقلها يوم الجمعه
=انت بتقول ايه في واحده تانيه غير مراتك مدفونه مع امي
استغرب جدا وارتبك
=واحده تانيه مين وبعدين انتي عرفتي.ازاي ان في حد مدفون في التربه؟؟
=التربه مفتوحة وانا دخلت وشوفتهم
جري من اودامي وانا وراه مش فاهمه حاجه.. كان باين عليه انه خايف ومخضوض.ومرتبك فضل يصرخ علي ابنه نادي لاغايه لما ظهر.. شاب في العشرينات
=تعالي معايا الاستاذه بتقول تربه امك مفتوحه وفيها جثه تالته
=مستحيل انا لِسَّه قفلها امبارح مين فتحها تاني؟؟!!
انا بصراحه تضايقت ازاي تربه امي كل شويه تتفتح الميت ليه حرمته
=انتم ازاي كل شويه تفتحوا تربه امي انا مش هسكت علي الكلام ده وهبلغ اخواتي
المهم روحنا اودام التربه.. انا كل تفكيري ازاي ينتهكوا حرمه الميت،انا ولعت نور
الموبيل وابنه راح جاب كشاف كبير انا نزلت الاول علشان اثبت له ان في اتنين مع امي مش واحده لكن المره دي لاقيت فعلا ست قاعده عند راس الجثه الثالثه وضامه ركبتها علي صدرها وماسكه الركبتين بايدها لكن المره دي رفعت رأسها تبص عليا اللحظه دي دخل نادي ماسك الكشاف شكلها بقي أوضح انا أعصابي كلها سابت حاسيت ان روحي بتخرج مني نادي فضل يصرخ زي المجنون ورمي الكشاف وجري الغريب ان انا أغمي عليا لما فوقت لاقيت نفسي في اوضه التربي وأخويا وجوزي بياكدوا ان التربه مقفولة زي ماهي من سنين؟ والراجل نكر ان كان في جثث وابنه اللي نزل معايا وفضل يصرخ قال عليه مجنون.وبيظهر واختفي كل شويه والنَّاس كلها عارفه كده؟؟وماحصليش الكلام اللي انا حكايته ؟؟؟ لكن انا بقيت واحده تانيه..جوزي بيقولي اني كنت في الشارع بجري واصرخ زي المجنونه وانا مش مصدقه اني بعمل كده ياتري اللي شوفته ده حقيقه ولا خيال؟؟؟
حتي الناس بقت تقول عليا مجنونه وبكلم واحده اودامي انا لازم ارجع التربه وأثبت اللي شوفته علشان أكد لهم اني مش مجنونه ولازم كمان الاقي نادي لان هو معاه الحقيقه ؟؟
