غادة حنفى
ليه عادتنا وتقاليدنا في الدنيا هي سبب تعاستنا..
حكايتنا دي حقيقه طلبت مني صحِبتها انشرها لانها موجوعه اوي…
انا زهرة دكتوره عشت تقريبا حياتي كلها بحقق حلم بابا وماما اني أكون دكتوره شاطره فعلا،كنت دايما الاولي في كل حاجه..كنت مبسوطه لكن مش سعيده وفي فرق،بين الاتنين صدقوني.سني كبر وما كنتيش حاسه اني بكبر كنت بهتم اكتر بشغلي لاغايه لما مره كنت في فرح ناس قرايبي شوفت شاب وسيم اسمه محمد دمه خفيف من اول ماشوفته حاسيت ان قلبي بيدق بدرجه غريبه،اول مره احس بالإحساس ده اد ايه جميل،المهم هو كمان قرب مني واكتشفت انه قريبي لكن كانوا مسافرين،عايشين في الكويت.فضلنا نتكلم كتير انا وهو كنت عاوزه اعرف عنه كل حاجه وهو كمان لدرجه ان بابا استغرب اني طول الوقت بتكلم معاه ومبسوطه،اخدت رقمه وبيقينا نتقابل انا وهو،كتير ..لما نبره صوتي تبقي متغيرة يعرف اني زعلانه ألاقي اودامي فجاه ازاي ماعرفيش..بدات فعلا أعيش حياتي زي أي بنت.اهتم بنفسي علشانه أسهر طول الليل أفكر في كلامه استني التليفون يرن علشان اسمع صوته رسالته كل يوم قبل ما انام كانت بتسعدني وتسهرني أفكر فيه هو ده الحب اكيد..لاغايه لما مره لاقيته واقف اودام باب شقتنا وماسك بوكيه ورد كبير اول ما شوفته..
زهرة:ايه كل الورد ده..
محمد:زهرة انا بحبك ومش هقدر أعيش من غيرك ممكن أكلم باباكي..
حاسيت انه هيغمي عليا من الفرحه..قلبي طاير من بين ضلوعي
زهرة:اكيد انت اتاخرت اوي عليا..
ابتسم ابتسامه تجنن،
محمد:اسفه يا حبيبتي أوعدك اني هعوضك عن التأخير ده..
دخل يقعد مع بابا لاقيت بابا زعل ومش راضي مش فاهمه في ايه طبعا بكلم ماما
ماما:يا بنتي مش هينفع تتجوز. اهله مش هيوافقه ابدا بيكي..
عيط كنت هموت من الزعل من كلام امي
زهرة:ليه انا دكتوره وناجحة..
ماما:اهدي بس انتي عارفه الفرق بينكم كام سنه؟؟
ساعتها الدنيا لفت بيا،
زهرة:ايه المشكله يعني ما حدش بيفكر في الكلام ده الزمن اتغير..
ماما:لا يا حبيتي الزمن يتغير في كل حاجه الا ده،،نظره الناس ليكي وليه انتي مش عايشه لوحدك..
زهرة:لكن انا بحبه وهو كمان..
ماما:اهله مي هيوافقه وخصوصا امه صدقيني..
زهرة:لو اهله وافقه ..
ماما:مش عارفه اقولك ايه،يعني مافيش غير ده اللي انتي عاوزاه..
زهرة:يا امي هو ده بايدي انا وهو اختارنا بعض..
فضلت اعيط مش قادره اشتغل او أمارس حياتي أتقابلت مع محمد
محمد:احنا لازم نتجوز..
زهرة:ايوه لكن ازاي؟؟
محمد:زي الناس انا اشتغلت في شركه وباخد مرتب كويس وانتي كمان ناجر شقه ونتجوز ..
زهرة:لكن بابا وماما انا اول فرحتهم ازاي أحطهم في الموقف ده وبعدين انت فعلا اهلك رافضين..
محمد:اهلي واهلك بيفكروا بطريقه قديمه اوي انما دي حياتنا احنا اللي هنعيشها مش حد تاني سيبكم منهم..
زهرة:طب خالينا نحاول تاني ولو ما نفعيش نبقي فعلا نتجوز ونحطهم اودام الامر الواقع..
حاولت اقنع بابا وماما رافضين طول الوقت قولت في نفسي انا علي طول بفكر أسعدهم وأحقق لهم حلمهم وده حلمي الوحيد الانسان اللي قلبي ماله.. بحبه مش قادره اتخيل حياتي من غيره،لاغايه وانا في العياده امه دخلت عليا وكلمتني بهدوء
ام محمد:انا مش موافقه علي جوازك من ابني انتي عارفه الفرق بينكم كام سنه؟
زهره:مش مشكله فرق السنين المهم اننا بنحب بعض..
ام محمد:انتي اكبر منه ب خمس عشره سنه..
اول مره احس اني كبيره اوي كده الفرق كبير بالطريقه دي
زهرة:لكن محمد قالي سنه يعني اكبر منه بعشر سنين بس..
ام محمد:هو اكيد ما حابيش يضايقك لكن انا بقولك الحقيقه اللي اكيد هتعرفيها لما تشوفي بطاقته..
زهرة:هو بيحبني وانا بحبه..
ام محمد:الحب ده بعد خمس سنين اول اقل هيموت وتكرهوا بعض لان انتي هتكوني في سن تاني وهو في عز شبابه عاوز يعيش وساعتها هيشوف انك مش شبابه اللي هيقدر يعيش معاه..صدقيني يا بنتي انا مش بكرهك انا بوضح ليكي صوره مش واخده بالك منها يمكن جسمك صغير وشكلك ده ما بيقوليش سنك الحقيقي لكن مع الوقت السن بيبان خصوصا احنا الستات،انا مش عاوزه ابني يعيش تعيس في حياته..
زهرة:لكن هو لو سابني هيعيش تعيس فعلا انتي مش متخيله هو بيحبني ازاي.
ام محمد:لا متخيله لكن عارفه انه مع الوقت هينسي وهيحب تاني .انتي بقي اللي نسيتي نفسك ولما فكرتي فيها كان الوقت عدي وقولتي أعيش شبابي اللي ضاع مع شاب اصغر مني..
زهرة:لا طبعا انا عمري ما فكرت في كده..
ام محمد:اسمعيني كويس ابني وانا عارفاه هوائي ومتسرع.انتي اعقل منه اكيد علشان كده بطلب منك انك تسيبه مش هتعرفي تخرجي معاه اودام الناس لما يعرفوا انك اكبر منه ومش هتعرفي تعيش معاه لما سنك يكبر وهو لِسَّه بيبدء شبابه هو اول العشرين وانتي نص الأربعين ،فكري كويس..لو كنتي اتجوزتي كان زمانك معاكي شاب من سنه..
سابتني ومشيت فضلت أفكر في كلامها اكتشف ان معها حق انا اللي ضيعت عمري في حلم اهلي ونسيت نفسي..فكرت في كلام الناس وشكلي اودامهم..امي وأبويا اللي اكيد مش هيكون مبسوطين اني اتجوزته اخترت اسيبه لكن دولوقتي انا لا بقيت. سعيده ولا مبسوطه عايشه وخلاص…
