رئيس مجلس الإدارة

أحمد شلبي

رئيس التحرير

عمرو فارس

إشراف عام

نرمين حمزة

ازاي بقي احكم علي الطفل عنده مشكلة في الاكل ولا لا؟


289
السبت 3 أغسطس 2019, 10:03 ص


نبدأ بسم الله…
هنتكلم النهاردة عن شكوي متكررة ??مشكلة اليوم وكل يوم??

د:رحاب موسى

تقريبا 99%من الامهات بتقول ابني مش بياكل كويس
ابني مش راضي ياكل ابني مغلبني في الاكل?
بدأنا نسمع كتير عن picky eater او الطفل الانتقائي
والمشكلة دي بتظهر غالبا بعد السنة الاولي من العمر
طيب ايه اللي بيحصل وليه بيحصل؟
محتاجين الاول نفهم نمو ونفسية الطفل..
الطفل سرعة نموه بعد السنة الاولي بتختلف يعني وزنه تقريبا بيزيد 3 اضعاف عن وزن الولادة ف اخر السنة الاولي ف حين انه الزيادة ف وزنه في السنة التانية من العمر بتكون اقل و معدل نموه أقل فطبيعي ان الام تلاقي ان شهية طفلها قلت ف المرحلة دي. لكن حركته هي اللى هتزيد لان دي فترة الاستكشاف بعد ما تعلم يمشي فعنده فضول لاستكشاف العالم اللي حواليه
فمن غير قلق كدا وبالراحة نكون متفهمين ان دي مرحلة جديدة غير اول سنة من العمر.
كمان مرحلة الفطام مهمة وادخال الاكل مع الرضاعة بدء من الشهر السادس لحد ميوصل 12 شهر لازم يكون اتعرض عليه مختلف انواع الاكل عشان ميبقاش صعب عليه تقبله بعد كدا

?ازاي بقي احكم علي الطفل عنده مشكلة في الاكل ولا لا؟؟؟
75% من شكاوي صعوبات الاكل بتكون محتاجة بس تعديل سلوكي طالما نمو الطفل طبيعي لانه ده المعيار الاساسي لكونه فعلا مش بياكل وعنده مشكله ولا مفيش مشكلة اصلا. الباقي 25% بتكون مشكلة حقيقية محتاجة تدخل طبي غذائي واحيانا دوائي زي في الاطفال اللي عندهم امراض مزمنة او انيميا تخلي فيه فقدان للشهية او ارتجاع اثناء الاكل فبيخليه يخاف من الاكل او امراض عصبية ونفسية فلازم علاج السبب اولا قبل مانزود بس الاكل.

طيب ياحلوين
?? شوية نصايح ذهبية للاكل من غير عصبية?????

?اولا بلاش تقارنو وزن أطفالكم بوزن ولاد خالته او ولاد عمته ولا ولاد اخواتك ولا ولاد جارتكم? كل طفل ليه منحني النمو بتاعه ودا اللي علي اساسه بنقيمه دا وزنه كويس ولا زايد او ناقص??

?‍♀️حاولي تثبتي معاد الوجبات كل يوم ونعرض الاكل مثلا لمدة نص ساعة ما اكلش خلاص شيلي الاكل من سكات من غير عنف ولا زعيق ولا ضرب ولا جري?‍♀️?‍♂️?‍♂️
?‍♂️بعدين نعرض الاكل في ميعاد الوجبة اللي بعدها
الطفل لما هيجوع هو اللي هيطلب الاكل

?‍♂️وانتي بتقدمي الاكل ياريت يكون في جو هادي من غير مؤثرات ولا حاجات تشتت انتباهه من غير تليفزيون ولا تاب ولا لاب.. اربطي ف ذاكرته ان المكان دا بتاع للاكل ودا وقته واللعب ليه وقت تاني

?حاولي ان ابنك ياكل معاكم علي نفس السفرة ومن نفس نوعية الاكل
لكن قدميله الاكل في طبق صغير مناسب لسنه مش في طبق الكبار عشان لما يخلصه يحس انه عمل انجاز.. وفيه اطباق هتلاقيها بتتباع ملونة ومتقسمه وشكلها لطيف للاطفال

?التشجيع مهم جدا لطفلك ???صقفيله ?? حسسيه انه عمل حاجة حلوة ?? لو خلص اكله او حتي اكل جزء منه بالتدريح هيتعود وهياكل من غير خناق??

? طبعا بلاش تكون الحلويات وسيلة للرشاوي او المكافئة للطفل
?خلي الطفل يمسك الاكل بنفسه يجرب يعك مش مشكلة وفري مكان مناسب وخدي احتياطاتك وسيبيه يتعلم يعرف الوان واشكال الاكل المختلفة????
لو سنه كبير شويه خليه يشاركك ف عمل اكله هو بيحبها
?لو هتدخلي اكل جديد دخليه بالتدريج كميات بسيطة مع اكل هو بيحبه

?فيه اطفال بيخافو من تجربة اي اكل جديد ودول حلهم اننا بالراحة نقدم الاكل اكتر من مرة ودا ممكن لحد 15 مرة متزهقيش??

?وانتي بتاكلي طفلك لازم تركيزك كله معاه حاولي متعمليش اي حاجة تانية في نفس الوقت حسسيه بالاهتمام مع التواصل بالعين هيفرق معاه جداا.. بلاش تكون ميعاد الاكل ساحة للمعركة اعرضي الاكل للطفل بطرق واشكال مختلفة والوان تلفت انتباهه ممكن تضيفي نكهات طبيعية بكمية بسيطة زي مثلا قرفة ليمون كمون للاكل من بعد الشهر السادس تدي للاكل بردو نكهة ومذاق.. ???

? تناول العصير خلال اليوم يكون بحدود ودا حسب كل مرحلة عمرية ونستبدله بفاكهة افضل لانها محتوية علي الالياف المفيدة جداا للطفل ولعملية الهضم وهنعرف في بوست قادم ان شاء الله ايه الحد المسموح لتناول الطفل للعصائر خلال اليوم. ??
عايزين اطفالنا happy eater ??مش picky eater


كواليس هي مجلة فنية رياضية تصدر عن مؤسسة كواليس. تأسست المجلة سنة 2019