النوم سلطان .. بمناسبة النوم وحواديت قبل النوم

د:رحاب موسى

احنا الكبار ممكن ساعات كتير للاسف بحكم الشغل والمسئوليات مبنعرفش نظبط نومنا واكيد دا بيأثر علينا او بنوصل بعد كدا لمرحلة من التعود للاسف
بس الاطفال في مرحلة نمو دائم و النوم بالنسبة ليهم مهم وتنظيمه شئ ضروري لنمو سليم??

◀️ النوم فترة كافية خاصة ليلا مهم لافراز بعض الهرمونات اللي بتاأثر على نمو الطفل وعلي القدرة العقلية وعدم النوم الكافي او في اوقات ملخبطة بيلخبط الساعة البيولوجية بتاعتهم.
◀️مينفعش نقول يصحو في وقت ماهم عايزين وينامو وقت ماهم عايزين الكلام دا ينفع مع الرضع اللي يومهم عبارة عن رضاعة ونوم وبس وبتديله احتياجه وقت مايطلبه. وممكن يوصل ساعات نومه ل 16 ساعة في اليوم
لكن الطفل كل مايكبر محتاج ننظم يومه اه ننظمة

◀️النوم الكافي مهم لنمو القدرة العقلية للطفل وللتركيز وليه تأثير علي تحصيله الدراسي
◀️النوم ليه علاقة بالتغذية اااااه جدا
◀️ الطفل اللي بيصحي متأخر مواعيد وجباته هتتغير وهتكون غير منتظمة بالتالي مش هيفطر والغذا ممكن يبقا بالصدفة والعشا هيتأخر هو كمان او ممكن ميتناولش وجبة العشا وهكذا نبتدي ندخل في مشاكل دا مبيكلش دا مبيركزش في المدرسة دا نموه متأثر او العكس دا وزنه زائد
ازايي؟؟

◀️الطفل اللي نومه مش متظبط شهيته للاكل هتتأثر
وفيه دراسات كتير ربطت بين قلة النوم والسمنة ومرض السكر كمان
الطفل اللي بيسهر كتير هياكل كتير فهيتخن كتير. هيكون معرض للسمنة اكتر من غيره. تركيزه هيقل وغالبا هيصحي تاني يوم مش بيفطر.
هتبتدي اختياراته للاكل تبقي مش صحية علي اعتبار انه صاحي متأخر ياكل اي حاجة سريعة كيكة محفوظة عصير محفوظ او الاندومي الكارثة? او الاكلات عالية السعرات الحرارية اللي مليانة دهون مشبعة او زيوت مهدرجة تتخزن بالجسم و لالتالي مع قلة الحركة هتسبب سمنة ومشاكل تانية كتيير.

طبعا السهر غير مستحب. مهم انه ينام فترة كافية ليلا

⬅️الاكاديمية الامريكية لطب الاطفال في 2016 وضعت توصيات لعدد ساعات نوم الاطفال من اجل نمو سليم?

✳️الطفل من سن 4 ل 12 شهر يحتاج 12 الي 16 ساعة في اليوم
✳️من اسنة الي سنتين من 11 الي 14 ساعة باليوم
✳️من 3 الي 5 سنوات يحتاج من 10 الي 13 ساعة باليوم
✳️من 6 الي 12 سنة يحتاج من 9 الي 12 ساعة باليوم
✳️من 13 الي 18 سنة هيحتاج من 8 ال 10 ساعات باليوم