خففى ملابس طفلك

بمناسبة الموجه الحاره اللي داخله علينا??..وواضح انها داخله بكل قوتها?

?خففي لطفلك ملابسه بلاش الكلفته بعشرميت طبقه من الهدوم…طفلك درجة حرارة جسمه زي درجة حرارة جسمك هو مش عايش في كوكب تاااني?

? بالأخص بقى لو طفلك رضيع أقل من 6 شهور?? وبيرضع طبيعي والمفروض مش بيشرب مايه..يعني معتمد اعتماد كلي ع رضاعته من لبنك .

كتر الهدوم بيخلي طفلك يعرق ويفقد سوايل وبالتالي بيحس بالعطش..وهتلاقيه عايز يرضع كتييير ع فترات متقاربه ومده قليله جدا عشان يروي عطشه..ففي الغالب اللي بياخده مايه وسكريات..والسكريات تتخمر في المعده وتسبب له مغص وانتفاخات.

?لبسي طفلك الملابس اللي يقدر جسمك يتحملها ويطيقها

?احرصي ان الرضعه الواحده ع ثدي واحد لحد مايفضى .بلاش قليل من كل ناحيه

?اشربي سوايل كتييير مش اقل من 10 أكواب يوميا

?ولو طفلك اكتر من 6 شهور ..شربيه مايه..والطفل في العمر ده محتاج من 60: 120 مل يوميا من السوايل.

?والمايه تتغلى ع الأقل لمدة دقيقتين لقتل اي بكتيريا او طفيليات بها وتترك تهدأ..واعرضيها عليه باستمرار وبعد الأكل

?أخيرا خدي بالك من لون البول لطفلك …لو لونه أصفر داكن (مركزا)..يبقى طفلك في حاجه لتناول المزيد من المياه