بقلم ميرنا يونس
لما بتيجي تطبطب علي حد وتطلعلوا مليون عذر وميت سبب لتصروفاته وأفعاله ..
لما تحس انهم رافضين وجودك ومع ذلك لما بتبعد هما بيقربوا ..
لما تحس انك لازم من وجبك عليهم تستحمل عصبيتهم والكلام اللي ممكن يترمي ومش مقصود بيه اي حاجة بس انت بتزعل وبتضايق وبتبقي مستني أن الطرف الآخر يراضيك حتي لو بكلمه ..
هنا بقي بنسميه اسخف انواع الطبطه ..
لانك فعلا بتبقي محتاج لحد يطبطب عليك مش لازم طبطبة الايد ..
طبطبه بكلمه ترضيك أو تزيح عنك زعلك ..
ما انت بتعذر الناس وبتستحمل اي حاجة عشان خاطرهم ..
حلو اوى الكلام دا ..
بس نيجي للاهم بقي فينك انت بقي ف كل دا ..
فين حقك أما تزعل أو تضايق أو حتي تتعصب ..
هو انت مش بشر بردو وبتحس ودا ابسط حقوقك ..
اسخف انواع الطبطبه ..
هي عدم الطبطبه وقت الاحتياج..
عدم الطبطبه بالكلام اللي من ابسطه هيرضيك..
ومع ذلك انت ماسك فيهم اوى لمجرد ان روحك متعلقة بالناس دى ..
اتعود علي كدا طلاما حابب كدا ..
