مصمم هاند ميد كروشية : رندا محمود
هنشتغل السيشن دي مع بعض طريقة عمل أيس كاب بغرزة جميلة أووي غرزة العمود الأمامي والخلفي وهي سهلة جدا تناسب رجالي وحريمي وأطفالي وهستعرض أيضا طريقة عمل كوفية بغرزة العمود مختلف شويا عن الكوفية السابقة لي استعرضتها معاكم في المقالة السابقة .
# الأدوات المستخدمة :
1 – ابرة مقاس مناسب ( 4.5 ) .
2 – بكرة خيط 100 جرام الخيط المتوفر عندك .
3 – قصافة .
4 . مزورة للقياس .
أولا / طريقة عمل الأيس كاب بغرزة العمود الأمامي العمود والخلفي :
• هنعمل اولا دائرة السحرية ونرتفع 3 سلسلة .
• ثم داخل الدائرة السحرية نشتغل 12 عمود .
• ثم نرتفع 3 سلسلة .
• ثم نشتغل داخل كل عمود 2 عمود بكدة هيكون معانا في السطر دي 24 عمود مش ننسي اخر كل سطر نغلق بمنزلقة . ثم نرتفع 2 سلسلة
• ثم هنشتغل داخل كل عمود 2 عمود ثم عمود وهكذه لأخر السطر ونغلق بمنزلقة . ثم نرتفع 2 سلسلة
• في السطر دي بقي هنغير الغرزة وهي دي غرزة العمود الأمامي والخلفي بتاعتنا ركزه بقي معايا .
• هنشتغل غرزة عمود الامامي و 2 غرزة عمود خلفي .
• ازاي بقي هنشتغلها كالأتي : هندخل الابرة من أمام الغرزة مش فوق الغرزة ونشتغل عادي غرزة العمود بكده نكون عملنا غرزة العمود الأمامي .
• وبعدين هنشتغل غرزتين عمود خلفي كالأتي :
هندخل الابرة من الخلف ونشتغل غرزة العمود بكده هيكون عندي غرزتين عمود خلفي وهكذه لاخر السطر ونغلق بمنزلقة . ثم نرتفع 2 سلسلة
• في سطر دي هنشتغل فوق غرزة العمود الأمامي السابقة غرزتين عمود أمامي ‘ ثم هنشتغل بعد كده غرزتين عمود خلفي . ثم نرتفع 2 سلسلة
• في سطر لي بعده هنشتغل فوق العمود الامامي الاول غرزتين ثم غرزة عمود امامي وحده فقط ‘ ثم هنشتغل غرزتين عمود خلفي كالسابق ( غرزتين العمود الخلفي ثابته في كل السطر ) اما التزايد في أول غرزة عمود أمامي فقط وبعدين فوق كل غرزة عمد امامي عمود أمامي واحد فقط . ثم نرتفع 2 سلسلة
• ثم هنشتغل فوق عمود الامامي الاول غرزتين عمود أمامي ثم غرزة عمود امامي ثم غرزة عمود أمامي أخري ‘ ثم غرزتين عمود خلفي كالعادي ثم نغلق بمنزلقة .
• وهكذه تزايد فقط في اول غرزة عمود امامي وباقي الغرزة نشتغل عليها عادي غرزة عمود الامامي فوق العمود الأمامي وغرزة العمود الخلفي فوق العمود الخلفي . ثم نغلق بمنزلقة في أخر كل سطر .
• وهكذه للوصول الي قطر الدائرة المطلوب .
• القطر المطلوب لأيس الأطفال 16 سم . وطول الكوفية 19 سم .
• القطر المطلوب لأيس الكبار حريمي او رجالي 18 سم وطول الكوفية 21 سم
• وفي السطر دي هنبدء نغير الغرزة ‘ هنشتغل بدون تزايد بمعني : فوق كل غرزة عمود امامي عمود أمامي وفوق كل عمود خلفي عمود خلفي ‘ ثم نغلق بمنزلقة وهكذه حسب الطول المطلوب .
• ثم في السطر دي هنغير الغرزة كالأتي :
• نرتفع 2 سلسلة ونشتغل في السطر دي غرزة عمود أمامي فقط وهكذه لأخر السطر ونغلق بمنزلقة .
• وسوف نشتغل بهذة الطريقة عده أسطور للوصول للطول المطلوب ونغلق كل سطر بمنزلقة .
• ثم السطر دي هنرتفع بسلسلة واحدة فقط ونشتغل عدة أسطر بغرزة الحشو في الغرزة الأمامية . ( 3 أسطر ) . ثم نغلق كل سطر بمنزلقة ومش ننسي أرتفاع سلسلة في كل سطر .
• ثم نشتغل غرزة الحشو العادية في كل غرزة حشو في الغرزة الأمامية لعده أسطر ونغلق بمنزلقة ‘ (2 سطر ) .
• تم الأنتهاء من الأيس كاب بغرزة العمود الأمامي والخلفي وغرزة الحشو الأمامي وغرزة الحشو العادية .
***********
? الأدوات المستخدمة في الكوفية :
• الابرة المناسب للخيط (4.5)
• وأبرة أخري مقاس (5.5 ) لعمل السلسلة فقط لأعطاء السطر الاول مرونة .
• الخيط سمكة متوسط مناسب للأبرة 2 شلة 100 جرام .
• مقص .
• مزورة للقياس .
# طريقة العمل كوفية بغرزة العمود العادية :
** كوفية حرف V .
• نشتغل عدد من غرزة السلسلة بطول 20 سم
وهذه المقاس يناسب الكوفية حريمي او رجالي .
• ثم نغير الابرة مقاس 4.5 ونشتغل بها غرزة الحشو سطرين فقط . وفي كل سطر حشو ارتفاع سلسلة فقط .
• ثم نرتفع 2 سلسلة هنشتغل غرزتين عمود فوق غرزة الحشو ونترك غرزة وهكذه غرزتين عمود عادي ونترك غرزة لنهاية السطر .
• ثم نرتفع 2 سلسلة ونشتغل داخل الغرزتين العمود السابق غرزتين عمود وهكذه لأخر السطر .
• ثم نرتفع 2 سلسلة ونشتغل نفس السطر السابق عده أسطر بطول 160 سم لطول الكوفية او لطول مترين حسب الرغبة .
• هذه الغرزة تتكرر لأخر الكوفية .
• والغرزة دي بيكون شكلها حلو جدا بتكون شكل الحرف V ? غرزة حرف V بغرزة العمود العادي ‘ غرزة بارزة تناسب كوفية حريمي او رجالي او أطفال .
** وبكده أكون انتهيت من شرح الأيس كاب بغرزة العمود الأمامي والخلفي وغرزة الحشو في الوجة الامامي وغرزة الحشو العادية ‘ والكوفية حرف V بغرزة العمود العادي ……
والشرح موضح معاه صور للأيس كاب والكوفية .
