“الفيبرومالجيا ” المرض ..الخفي المستوطن الذي ليس له علاج حتي الان..

كتبت خبيرة التجميل / رورا عبده،

حبيت اعمل الميكب دة توعية و دعم لمرضي الفيبرومالجيا
للناس اللي متعرفش مرض الفيبرومالجيا هو مصطلح معناه متلازمة الورم العضلي الليفي..من اسمه واضح ان الآلام اللي بتنتج عنه غير محتملة لأنها مش بتصيب موضع واحد في الجسم لكن اكتر من موضع .
انا بعاني منه بقالي اكتر من خمس سنين و تعبت جدا جدا بكل معاني الكلمة بس دلوقتي بحاول اكون متعايشة معاه الحمد لله
اللي عايزه اقوله ان ممكن ناس كتير يكون عندها المرض دة و هي مش عارفة عندها ايه لان أعراضه بتتشابه مع أعراض أمراض تانية كتير ، ادخلوا اقروا عنه كتير حتفهموا و عايزة اقول كمان لأي حد عنده في عيلته مريض فيبرومالجيا ان دعمك و تفهمك لمرضه حيساعده كتير في طريقة علاجه وانه يبقي احسن …
#حبوهم_و_ادعموهم
#فيبرومالجيا
#رورا_عبده