كتبت / رندا محمود مصممة كروشية
الخامات المستخدمة :
1 * خيط صوف سمك مناسب .
2 * ابرة مقاس 5 .
3 * مزورة للقياس .
4 * 2 زرار .
¤ طريقة عمل الأيس كاب :
1 * نشتغل سلسلة بطول 32 سم .
2 * ثم نرتفع سلسلة واحدة .
3 * ونشتغل غرزة نص عمود كالأتي :
معانا علي الابرة غرزة وندخل تحت غرزة من غرز السلسلة وناخد خيط ونطلع من الغرزة هيكون معانا علي الابرة 3 غرز ناخد خيط تاني وندخل من 3 غرز ونطلع بغرزة ( غرزة نص عمود ) .
4 * ثم نرتفع غرزة واحدة .
5 * ثم نشتغل غرزة نص عمود العادية في الغرزة الخلفية .
6 * ثم نرتفع سلسلة واحدة .
7 * ونشتغل ايضا غرزة نص عمود في الغرزة الخلفية .
8 * وهكذة بهذة الطريقة نشتغل بطول 40 سم او 45 سم ‘ ولازم نضع في الاعتبار مطاطية الخيط ‘ بمعني لو خيط في مطاطية مش لازم نزود عن الطول 40 سم
اما لو الخيط مش بيمط ممكن يوصل طول اسطر الأيس 50 او 52 سم .
9 * عند وصول لطول المناسب 40 سم مثلا نقيس خيط الباقي من الغرزة بطول متر ونقص الخيط ونبدء في غلق جناب الايس .
10 * نبدء في غلق الايس كالأتي :
نحكم جوانب الايس علي بعض ونضع كل غرزة امام الغرزة الموازية ليها ونقوم بلضم طرف الخيط في ابرة تنضيف ونبدء ندخل الابرة تحت الغرزة في طرفين الايس ونسحب الخيط من تحت الغرزتين .
11 * وهكذه لاخر السطر .
بكده هنكون تم غلق الايس من الجناب .
12 * هنغلق ازاي بقي من اعلي الايس هيكون كالاتي : هنستخدم ابرة التنضيف وهنسرج ثم نسحب الخيط وبكده نكون غلقنا الايس من أعلي .
13 * نسحب الخيط ونقصه ونبدء في تنظيف الخيوط الزيادة .
**************
ملحوظة : طريقة البندانا نفس طريقة الايس ولكن هنعمل عدد بسيط من السطور هيكون مثلا 5 سطور ارتفاع البندانا .
وقطر الايس هيكون بطول 40 سم .
ثم هنغلقلها بزراير من الجناب كما موضح بالصورة .
*************
¤ طريقة عمل اسكارف :
1 * هنشتغل سلسلة بطول 150 سم ونغلق السلسلة بغرزة منزلقة .
2 * ثم نشتغل غرزة نص عمود في جميع سلاسل .
3 * نرتفع سلسلة ونشتغل غرزة نص عمود في الغرزة الخلفية .
4 * وهكذه بعدد 10 اسطر . ارتفاع .
5 * ونغلق اخر سطر بغرزة منزلقة ‘ ثم ننضف الخيط .
? في انتظار تعليقاتكم وأستفساراتكم
