مصممة كروشية رندا محمود
هنستخدم فيها غرزة السلسلة والمنزلقة .
والخيط المستخدم خيط كليم او مكرمية او خيط سلسلة .
• أولا / الخامات المستخدمة في الشنطة .
1 . وشين خشب مطبوع او حفر .
2. خيط مكرمية او كليم .
3. سلسلة دهبي او فضي او اسود حسب الرغبة
4. سوسته
5. بطانة
6. حلقات تثبيت دراع الشنطة
7. ابرة مناسبة للخيط رقم 6
# طريقة عمل الشنطة .
– نستخدم الابرة رقم 6 نحضر الوش الخشب ونبدء في الشغل عليه بالخيط هنستخدم غرزة السلسلة .
– ندخل الابرة داخل الثقب الموجود في الوش الخشب ونخرج من الثقب بالخيط وبكده هتكون معانا علي الابرة حلقة وندخل مرة أخري في نفس الثقب ونطلع بحلقة اخري بكده هيكون معايا حلقتين ناخد الخيط نطلع من الحلقتين لي علي الابرة بكده بيكون معايا حلقة واحدة فقط .
– وهكذه في كل ثقب نشتغل غرزتين الي اخر ثقب في الدائرة ونغلق بمنزلقة .
– والسطر الثاني بنشتغل فوق كل غرزة ‘ غرزة واحدة فقط ونغلق بمنزلقة .
– والسطر الثالث هكذه .
– والسطر الرابع مثل باقي الاسطر .
– ثم نبدء في عمل الوجة الثاني للشنط ممكن نشتغله ايضا وش خشب وممكن بخيط .
– طريقة عمل الوجة الثاني بالخيط كالأتي :
– هنبدء بعمل دائرة السحرية ونرتفع 2 سلسلة وبداخل الدائرة 12 غرزة .
– السطر الثاني فوق كل غرزة هنشتغل 2 غرزة .
– السطر الثالث فوق كل غرزة هنشتغل بترتيب 2 عرزة ثم غرزة .
– السطر الرابع فوق كل غرزة هنشتغل 2 غرزة ثم غرزة ثم غرزة . وهكذه حتي الوصول لقطر الدائرة المطلوب .
– ثم نحضر البطانة لتبطين الشنطة من الداخل .
– ثم نركب السوستة بالخيط والأبرة .
– ثم نقفل باقي الشنطة من الاسفل .
– ونركب حلقات من جنبين الشنطة ونركب الدراع ثم نركب اللوجو
